كوردستان هەمەرەنگە ب پێكڤەژیانا فرەئاینی ونەتەوەیی
چنار شمو قاسم
كوردستان هاتیە هژمارتن ژ وان وەلاتێن فرە نەتەوەیی وئاینی كو یەهەمەرەنگە ب پێكڤەژیانا جۆراوجۆر بۆ ماوەێ چەندین سالانە كوردستان دئێتە ئاڤاكرن ب پێكڤەژیان و هەڤ قەبوولكرنا تەڤ نەتەوە و ئاینان،كو چ جوداهی نائێتە كرن دناڤبەرا وان دا.
ئیرۆ ل كوردستانێ هەر نەتەوە و ئاینەكی ماف و ئەركێن خۆ هەنە ئەگەر مە ب ڤێت ب ئازادی و ئاشتی بژین پێتڤیە رێزێ ل كەسێ بەرامبەر بگرن ،دا ئەم ب ئاشتی و ئازادی بژین ،مەرەم پێ ئەوە ئەگەر تو بیروباوەرێن خۆ ب ئازادی دناڤا كۆمەلگەها خۆدە ئەنجام بدەی ، پێتڤیە رێزێ ل پێكهاتێن دی بگری كو ب ئازادی بیروباوەر و تایبەتمەندیێن خۆ ئەنجام بدەت.
پشتی كو ژ چەندین دەڤەران خەلك ئاوارەیی هەرێما كوردستانێ بوی ژ ئەگەرێ نە ئارامی و شەری ل دژی تیرۆرستێن داعش ل دەڤەرێن وان ،ئەو ئاوارە ب هەموو پێكهاتێن خۆ یێن جورا وجۆر ب سنگەكی بەرفرەه پێشوازی ل وان هاتە كرن ،ل دەستپێكێ خەلكێ سڤیل كو هەر خێزانەكێ چ ئێزدی یان موسلمان یان كرستیان ژ ئالیێ خۆڤە هاریكاریێن دەستپێكی بۆ وان دابینكرن هەیا كو رەوش ئارام بوی وحكومەت ورێكخراوێن مرۆڤایەتی ل هانا وان هاتین و چ جوداهی نەهاتەكرن دناڤبەرا وان دە .
ل سەر هەر تاكەكی ژ هەر ئاینەكی یان نەتەوەیەكێ پێتڤیە كوردستانێ بپارێزت ،ژبەركو ئەڤە بۆ ماوێ چەندین سالایە باب وكالێن مە خزمەت كرینە و ب هەزارەهان شەهید داینە ژ پێخەمەت پاراستنا ئەڤێ ئاخێ و تا نها ئەو قوربانی یە بەردەوامە ژبۆ پاراستنا ئەڤێ ئاخا پیرۆز ،بەلێ هەردەم كوردستان ب پێكهاتێ خۆ یێ فرە ئاینی ونەتەوەیی خۆراگربوویە،و وێ هەر بمینە خۆراگر.
تُتاح هذه الصورة أيضا في: کوردی