مەسروور بارزانی:پێشمەرگە پێتڤی چەكێ زێدەترە
K24_هەولێر
ل دووەم سالرۆژا داگیركرنا باژێرێ مووسلێ ژ لایێ چەكدارێن داعشێ ڤە،شیرەتكارێ ئەنجوومەنێ ئاسایشا هەرێما كوردستانێ ل تویتێكدا راگەهاند،بۆ زاڵبوون ب سەر داعشێ دا پێشمەرگە پێتڤی ب چەكێ زێدەترە.
ل 9ی حوزەیرانا سالا 2014دا چەكدارێن داعشێ ل سووریا هاتن بۆ عێراقێ و ل ژێر ناڤێ شەرێ شكاندنا سنوورێن سایكس پیكۆدا گەهشتنە دەروازەیێن مووسلێ و بۆ رۆژا دیتر كارین مووسلێ داگیر بكن و بەرەف ناوچەیێن دی یێن سوننە نشین ل عێراقێ بچن.
سەبارەت بە دەركەفتن و گەش و بەلاڤبوونا وی گرۆپێ چەكداری شیرەتكارێ ئەنجوومەنێ ئاسایشا هەرێما كوردستانێ ل لاپەرێ خۆ ل تۆرا كۆمەلایەتیا تویتەر دا ب زمانێ ئنگلیزی نڤیسیە:”داعش گرۆپەك بوو ل عێراقێ سەر هەلدا،ل سووریا گەشەكر و پاشی گەهشتنە رۆژهەلاتا ناڤەراست و باكوورێ ئەفریقیا و ب هندێ بوونە هەرەشە بۆ سەر جیهانێ”.
سەبارەت ب هێزا پێشمەرگە و پێتڤیێن پێشمەرگەی بۆ بەرهەنگاربوونا مەترسیێن داعشێ و داوی ئینان ب وان مەترسیێن داعشێ ل سەر ناوچەیێ و جیهانێ دروستكرینە،مەسروور بارزانی ل تویتێكی دی دا نڤیسیە:”پێشمەرگەیێن مە ل ئاستێ بەرگریكرنێ ل سەنگەران چەك هەینە، بەلێ ل ئاستێ زالبوون ب ئێكجاری ب سەر دوژمندا پێتڤی ب چەكێ زێدەتر.
تُتاح هذه الصورة أيضا في: کوردی