دوو باخچە ل كەمپا خانكێ دئێنە چێكرن
تۆرا لالش یا راگەهاندنێ
هەر ئێك ژ رێكخراوا GIZ یا ئەلمانی و رێكخراوا كوردس،دەست ب چێكرنا جادێن ناڤ كەمپا خانكێ و دوو باخچەیێن مەزن كرن،ماوێ هەردوو پرۆژەیان هەشت هەیڤن،كو ب رێژەیا 70%ژ جادێن كەمپێ دێ ئێنە چێكرن.
پیر دەیان،رێڤەبەرێ كەمپا خانكێ بۆ رۆژناما دەنگێ لالش دیاركر:”ئێك ژ وان پرۆژان چێكرنا دو باخچێن مەزنە ل كەمپێ،كو ژبال رێكخراوا GIZ یا ئەلمانی دئێتە بجهئینان و ژ5/5/2016 دەست ب كارێ خۆ كریە و بەردەوامن و ماوێ پرۆژەی شەش هەیڤن،دیسان دێ سێ یاریگەهێن فوتبۆل و باسكت بۆل و ڤۆلی بۆلێ ژی ل كەمپێ چێكەتن،هەروەسا پشتی چەندین جاران مە دانوستاندن و گەنگەشە لگەل وان كرین كو ئاڤەكا پیس وا هەی ژ كەمپێ دچتە دەرڤە ئەوان ب مە گۆت نڤیسینەكێ بنڤیسن دێ ڤێ ئاڤێ پاقژ بكەین و بكاربینن بۆ رەشاندنا باخچەیان و مفای ژێ وەربگرین،زێدەباری هندێ مە داخواز ژێكریە هندەك پرۆژێن دی ژی ل كەمپێ ئەنجام بدەن” و گۆت:((رێكخراوا كوردس ب پشتەڤانیا یونسیف نۆكە دەست ب چێكرنا جادێن ناڤ كەمپێ كریە و ماوێ ڤی پرۆژەی ژی دوو هەیڤن و ب ڤێ یەكێ دێ ژ ئاریشا جادا قورتال بین و ب رێژەیا 70%جادێن كەمپێ دێ ئێنە چێكرن)).
پیر دەیان خویاكرژی وەك پەیداكرنا دەلیڤێن كاری،ل پرۆژێ چێكرنا باخچەیان دا خەلكێ كەمپێ تێدا كاردكن،رێكخراوێ دڤێتن خەلك تێدا كاربكت و ژێدەرەكێ داهاتی بۆ وان پەیدا بتن،بێ كو ل جهێ كرێكاران ئامیران بكاربینن.
تُتاح هذه الصورة أيضا في: کوردی