رۆژنامەڤانێن مووسلێ هاریكاریێن حكوومەتا ئیماراتێ وەرگرتن
تۆرا لالش یا راگەهاندنێ/بەختیار قادر
حكوومەتا وەلاتێ ئیماراتێ،هاریكاریێن مەعنهوى ل سەر ئەندامێن سەندیكا رۆژنامەڤانێن كوردستانێ لقێ مووسلێ بەلاڤكرن.
ئیرۆ 1/7/2016،ب ئامادەبوونا كۆنسلێ وەلاتێ ئیمارات وبەرپرسێ لقا 14 یا پارتی دیموكراتی كوردستان ل مووسلێ وسەرۆكێ سەندیكا رۆژنامەڤانێن كوردستانێ وب هاریكاریا دەزگەهێ خێرخوازیێ بارزانی،هاریكاریێن مەعنەوی كو ژمارەكا باش یا پێتڤیێن خوارنێ بوون ل سەر هەموو ئەندامێن سەندیكایێ ل دهۆكێ هاتنە بەلاڤكرن،كو ژ هاریكاری و دیاریا حكوومەتا ئیماراتێ بوون.
ئلیاس نەعمۆ،رۆژنامەڤان و ئەندامێ سەندیكا رۆژنامەڤانێن كوردستانێ لقێ مووسلێ بۆ(تۆرا لالش یا راگەهاندنێ)گۆت:”ئەڤ جۆرە هاریكاری پشتەڤانینە بۆ هەموو رۆژنامەڤانێن لقا مووسل یا ئێكەتیا رۆژنامەڤانێن كوردستانێ وهاریكاریەكە مەعنەویە،داكو رۆژنامەڤان بەردەوامبن ل سەر كارێ خۆ وبێ ئومێد نەبن،ژبەركو رۆژنامەڤانێن لقا مووسل پتریا وان جه ومالێن خۆ بجه هێلاینە و ئاوارەبووینە ودناڤ خیڤەتان یان دناڤ خانیێن ب كرێدانە و رەوشا وان نەگەلەك باشە،لەوما هەردەم پێتڤی هاریكاریانە”.
گۆتژی ڤان رۆژنامەڤانان سوپاسیا خۆ ئاراستەی هەموو جیێن هاریكاركرن.
تُتاح هذه الصورة أيضا في: کوردی