شێخ شامۆ: ئایندەیەکێ گەش ل پێشییا کوردستانێ یە 
تۆرا لالش یا راگەهاندنێ / زاویتە
شێخ شامۆ ،ئەندامێ پەرلەمانێ کوردستانێ دبینە کو ئاندەیەکی گەش ل پێشییا هەرێما کوردستانێ یە،ئاماژە دا وێ چەندێ کو یە فەرە ئێزدی رەفتارەکا واقعیانە بکن دگەل وان روودانێن بلەز دئێنە کرن ل دەڤەرێ ،وپێدڤیە داکۆکیێ ل پێگەهێ بەرژەوەندیێن ئێزدیان بکەین ، ئەڤ چەندە هاتیە ل سمینارەکا رەوشەنبیری دا ژ گۆتنا شێخ شامۆ سەرۆکێ دەسەتیا بلندا بنگەهێ لالش یێ رەوشەنبیری وکۆمەلایەتی د چارچۆڤێ چالاکیێن رۆژا داویێ ژ چادرگەها لالش یا رەوشەنبیری ل دەڤەرا زاویتە یا کو 120 قوتابیێن کور وکچ بخۆڤە گرتین ژ سەرکەفتیێن ئێزدیان ل رۆژا سێ شەمبێ رێکەفتی 30 ـ8ـ 2016 .
ل ڤێ سمینارێ دا شێخ شامۆ ب رەنگەکی کورت رۆناهی دا سەر بارودۆخێن سیاسی یێن نافخۆی و هەرێمایەتی ، ئاماژە دا کو هەمی کاودان دووپات دکن ئایندەکێ گەش ل پێشییا هەرێما کوردستانێ وگەلێ وێ یە ئەوێ کو گەلەک قووربانێن بەرچاڤ پێشکێش کرین ژبۆ گەهشتنا وێ رۆژا چاڤەرێ ،رۆژا ئازادیێ وسەرخۆبوونێ و شێخ شامۆ دووپات کر کو پێدڤیە ئێزدی رەفتارەکا واقعیانە بکەن دگەل پێشداچوونێن سیاسی و مەیدانی یێن ب سەر گشت دەڤەرێ دا هاتین وبتایبەتی دەڤەرێن ئێزدیان، وەک ئاماژە بۆ وێ مەرگەساتا شنگالێ کو ووانەکا تووندبوو بۆ ئێزدیان ،و ئەو یاریەکا سیاسی و هەوالگێریا مەزن بوو دەزگایێن هەوالگێرێن وەلاتێن هەرێمی ل پشت بوون، و ئێزدی بوونە بەرچاڤترین قووربانیێن وێ ئەوژی تاوانا جینۆسایدا کرێت و شێخ شامۆ داخوازکر کو داکۆکیێ بکن لسەر خوورتکرنا بەرژەوەندیا ئێزدیان د چارچۆڤێ ژێیاتیا وان یا نەتەوەی یا کوردی ،وباش بەرێ خۆ بدەنە وی پێگە و جهێ بەرژەوەندیا وان تێدا ،و پێدڤیە ل سەر وان کو ئەو بەرژەوەندیا گشتییا ئێزدیان ژێبگرن ژ یا تایبەت و بەرتەنگ ، دیارکر کو ئایندێ ئێزدیان گرێدایە ب ئایندێ هەرێما کوردستانێ ڤە ،و سەرکردایەتیا هەرێمێ وکەسایەتیا سەرۆک مسعوود بارزانی مارتالێ پارێزڤانیێ یە بۆ هەمی پێکهاتەیێن کوردستانێ وژوان ژی ئێزدی نە وشێخ شامۆ ئۆمێدەوار بوو کو ڤێ چادرگەهێ تشتەک لسەر زانینا قوتابیان زێدەکربت وهەروەسا ئاستێ وان یێ هشیاریا رەوشەنبیری و نەتەوەی بلندتر لێکربت ، دیارکر کو بنگەهێ لالش یێ رژدە لسەر ڤەکرنا هندەک چادرگەهێن رەوشەنبیری یێن دی ل دەمی پشتەڤانیا دارای یا پێدڤی پەیدابت.
تُتاح هذه الصورة أيضا في: کوردی