شێخ شامۆ سەرەدانا دوو بریندارێن پێشمەرگێن فەرماندا شنگال كر
تۆرا لالش یا راگەهاندنێ
“شێخ شامۆ”سەرۆكێ دەستەیا بلندا بنگەهێ لالش دگەل دا بەرێز”ئلیاس مارو”،ئیرۆ 5/9/2016ێ،سەرەدانا دوو بریندارێن پێشمەرگێن فەرماندا شنگال ل كەمپا خانكێ كرن، كو دهێرشەكا خۆكوژیا تیرۆرستان دا بریندارببوون،ژ نێزیك ڤە ئاگەهداری رەوشا وان بوون.
دسەرەدانا خۆ دا بۆ هەردوو پێشمەرگەیان”كەمال بەرجەس حەجی”ژسریا 10 ژ فەرماندا شنگال و “زێدان خودێدا ناسر” ژ فەوجا گوندێ كۆچۆ كو دهێرشەكا خۆكوژیا تیرۆرستان دابریندارببوون،سەرۆكێ دەستەیا بلندا بنگەهێ لالش ل دهۆكێ ژ نێزیك ڤە ئاگەهداری رەوشا وان بوو و پرسا رەوشا وان یا ساخلەمیێ كر و داخوازا ساخی و سلامەتیێ ژێرا خواست و ئامادەیا خۆ نیشان دا بۆ هەر كارەكێ پێتڤی بە بۆ چارەسەركا وان نەخۆشان.
تُتاح هذه الصورة أيضا في: کوردی