مامۆستایێن قوتابخانێن برایەتی سوپاسیا رێزدار نێچیرڤان بارزانی دكن
تۆرا لالش یا راگەهاندنێ
وەك رێزگرتن بەرامبەر ئەركێ وان،هاریكارییەكا دراڤی ژلایێ نڤیسینگەها رێزدار”نێچیرڤان بارزانی” سەرۆكێ حكوومەتا هەرێما كوردستانێ ڤە بۆ ٥١ مامۆستایێن هەرسێ قوتابخانێن برایەتی (التاخی) هاتە تەرخانكرن و ل سەر وان هاتنە بەلاڤكرن.
پشتی رازەمەندییا نڤیسینگەها رێزدار”نێچیرڤان بارزانی” سەرۆكێ حكوومەتا هەرێما كوردستانێ هاتیە وەرگرتن،سێ قوتابخانێن برایەتی ل سالا خووندنێ یا دەربازبووی ل هەر ئێك ژ دەڤەرێن زاخۆ و شاریا و خانكێ بۆ نێزیكی دوو هەزار قوتابیێن شنگالێ هاتنە ڤەكرن، كو مامۆستایێن ڤان قوتابخانان خۆبەخش بووینە و قوتابخانە ب رێڤەبرن،لەوا وەك رێزگرتن بەرامبەر ئەركێ وان،هاریكارییەكا دراڤی بۆ هەر پێنج هەیڤێن سالا خووندنێ ژلایێ نڤیسینگەها رێزدار”نێچیرڤان بارزانی” سەرۆكێ حكوومەتا هەرێما كوردستانێ ڤە ل سەر ٥١ مامۆستایێن هەرسێ قوتابخانان هاتە بەلاڤكرن وەك مافێ وان ،كو بۆ هەر هەیڤەكێ ۳٠٠ دۆلار پێ هاتنە دان.
حەسەن سەعید دبیژت:پشتی قوتابخانێن مە هاتینە ڤەكرن ل سەر فەرمانا نڤیسینگەها رێزدار”نێچیرڤان بارزانی”،ژلایێ نڤیسینگەها وی ڤە هاریكارییەكا دراڤی بۆ مامۆستایێن قوتابخانێ هاتە تەرخانكرن و ب سوپاسیڤە سەرۆکێ بنگەهێ لالش بەرێز”شێخ شامۆ” یێ هەڤکار بوو بۆ مە و دیسان ب رێکا رێڤەبەریا پەروەردا شنگالێ دراڤ ل سەر مامۆستایان هاتە بەلاڤكرن.
ژلایێ خۆڤە نوونەرێ مامۆستایێن قوتابخانێن برایەتی ل سەرناڤێ خۆ و هەموو مامۆستا و قوتابیان،سوپاسیا نڤیسینگەها رێزدار”نێچیرڤان بارزانی” سەرۆكێ حكوومەتا هەرێما كوردستانێ كرن،بۆ پشتەڤانیا وی یا ل ڤان قوتابخانان هاتیە كرن و نەهێلای نێزیكی دوو هەزار قوتابیێن ئێزدی یێن قۆناغا 12ێ ئامادەیی ئەڤ سالە ژ پرۆسا خووندنێ بی بەش بن و درێژی بڤێ پرۆسێ هاتە دان و قوتابیان پلێن باش دئەزموونان دا ب دەست خۆڤە ئینان.
تُتاح هذه الصورة أيضا في: کوردی