كۆڤان رێسان:ب دەهان پەرتۆكێن ب زمانێن بیانی ل سەر ئێزدیان هاتینە نڤیسین ل كوردستانێ نینن
تۆرا لالش یا راگەهاندنێ
مامۆستایەكێ زانكۆیا دهۆكێ یێ ئێزدی دبینت كو دەزگەهەكێ تایبەتێ وەرگێرانێ ب پەرتۆكێن ئێزدیاتیێ بێتە ڤەكرن و دبێژت:”هەتا نۆكە ب دەهان پەرتۆك ل سەر ئێزدیان ب زمانێن بیانی هاتینە نڤیسین ل كوردستانێ نینن و ئەم نزانن چ ل سەر مە نڤیسینە، یا باشە ئەگەر ئەڤ دەزگەهە بێتە ئاڤاكرن و وەرگێرانێ بكت ژ ئەو پەرتۆكێن ل سەر ئێزدیان هاتینە چێكرن ب تایبەت یێن كوردی وەرگێرت هەر ژ سالێن نۆتا و هەتا نۆكە بێنە وەرگێران بۆ زمانێ بیانی ب تایبەتی ئینگلیزی وفەرەنسی و ئەلمانی.”
مامۆستایێ زانكۆیا دهۆكێ”كۆڤان رێسان”بۆ رۆژناما دەنگێ لالش دیاركر:”ئەڤ بەری چەند رۆژەكا مە پێشنیارەك كربوو ل سەرتۆرا جڤاكی یا فەیسبۆكێ،كو دەزگەهەكێ ب رێك و پێك و بەرفرەه و تایبەت كارێ وی وەرگێران بت ب پەرتۆكێن ئێزدیاتیێ بێتە ڤەكرن،هەر چەندە نۆكە دەزگەهێن وەرگێرانێ وێ هەین ل كوردستانێ لێ وەكی پێتڤی خۆ ل بابەتێن ئێزدیاتیێ ناكەنە خودانە،هەروەسا بنگەهێ لالش و دەزگەهێن دن ژی یێن ئێزدیان پەرتۆكێن دەربارەی ئێزدیاتیێ چاپكرنە ئەڤە ژی جهێ دەست خۆشیێ یە،بەلێ هێشتا كێمە،ژبەركو هەتا نۆكە ئەڤ خەلكێ ژ دەرڤە وەكی پێتڤی ئاینێ ئێزدیان و بیرو باوەر و فەلسەفە وان ناس ناكنە ژبەر هندێ ژی ئەز دبینم گەلەك یا باشە ئەگەر ئەڤ دەزگەهە بێتە ئاڤاكرن و وەرگێرانێ بكت ژ ئەو پەرتۆكێن ل سەر ئێزدیان هاتینە چێكرن ب تایبەت یێن كوردی وەرگێرت هەر ژ سالێن نۆتا و هەتا نۆكە بێنە وەرگێران بۆ زمانێ بیانی ب تایبەتی ئینگلیزی وفەرەنسی و ئەلمانی ،چنكو ئەڤ زمان ئەون یێ گەلەك خەلك پێ د ئاخڤن ل جیهانێ و گۆت:”ئەو گۆتار و ڤەكۆلینێن ژ كەڤندا ژی ل سەر ئێزدیان هاتنە نڤیسین ب زمانێ بیانی وەك ئینگلیزی وهەرزمانەكێ دی ئەو ژی بێنە وەرگێران بۆ زمانێ كوردی یان عەرەبی ب دیتنا من ئەڤەیێ خزمەتەكا گەلەك باش یا ئێزدیاتیێ كتە”.
كۆڤان رێسان دووپاتكر كو ستافەكێ تایبەتمەند دڤی دەزگەهی دا كاربكت و ئەو ژی هەموو گەنجێن ئێزدیان بن یان ژی نەیێن ئێزدی ژی بن و د شارەزابن د بوارێ ئەكادیمی و زمانان دا،دیسان ژی دێ ئێزدیان پتر دەتە نیاسینە ل جیهانێ و ئەو تشتێن ب خرابی ل سەرئێزدیان هاتنە نڤیسین دێ ئێنە دیاركرنە نە هۆسایە،چنكو هەتا نۆكە ب دەهان پەرتۆك ل سەر ئێزدیان هاتینە نڤیسینە ب زمانێن بیانی ل كوردستانێ نینن و ئەم نزانن چ ل سەر مە نڤیسینە،لەوما ئەز دبێژم د ڤی دەمی دا گەلەك گرنگە دەزگەهەكێ هۆسا بێتە ڤەكرن.
تُتاح هذه الصورة أيضا في: کوردی