“سالا نوو ب هەر رەنگەكێ هەبیت دڤێت پەكەكە خۆ ژ شنگالێ ڤەکێشیت”
باسنيۆز:
ئەندامێ جڤاتا باژارێ شنگالێ دیاركر خەلكێ شنگال رازی نابن سالا نوو پەكەكە ل شنگال بمینت یا باش ئەوە نۆكە پەكەكە خوە ژ شنگالێ ڤەکێشیت. چونكو سالا 2017 جهێ پەكەكێ و تیرۆرستێن داعشێ ل عێراقی نینە. دێ خەلك بریارێ ل سەر چارەنڤیسا خوە دەن.
ئەڤرۆ 7/12/2016 خەلەف قاسم، ئەندامێ جڤاتا باژارێ شنگالێ بۆ (باسنیوز) دیاركر كەلتوری خەلكێ شنگال رێ نادەت ئێدی كچ وزارۆیێن وان بهێنە رەڤاندن بۆ قەندیل بهێنە ڤەگوهاستن، ئەڤە كارە یێ دوور ژ تیتال و رەوشت و كەلتورا ئێزدیانە و هەكە پەكەكە ل شنگال دەست ژ ڤان كارێن خوە بەرنەدەت دێ ئاریشەیێن مەزن دروست بن ل دەڤەرا شنگال، هەكە پەكەكە نەبیت دێ دەست ب ئاڤادانیا شنگال هێتە كرن، سنوری شنگال ب تەمامی پێشمەرگە دێ پارێزیت لەورا گەلەك باشترە زوو پەكەكە دەڤەرێ چۆل بكەت.
خەلەف قاسم ئاشكراكر ئەم بهێڤینە سالا بهێت پشتی مووسل ب تەمامی رزگار دبیت خەلك قەستا جهێن خوە بكەن لەورا یا باش ئەوە پارتا كرێكارێن كوردستانێ زوو خوە دووری سنورێ شنگال بكەن.
تُتاح هذه الصورة أيضا في: کوردی