“شێخ شامۆ”سەرەدانا قوتابخانا (رۆناهی/تاخي) ل کۆمەلگەها خانکێ کر
تۆرا لالش یا راگەهاندنێ
دوهى رۆژا پێنجشەمێ ۲۲/۱۲/۲٠۱٦ بەرێز “شێخ شامۆ” ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش ،سەرەدانا قوتابخانا (رۆناهی/تاخی) ل کۆمەلگەها خانکێ كر و ژ ئالیێ كارگێریا قوتابخانێ ڤە ب گەرمی هاتە پێشوازیكرن.
د سەرەدانا خۆ دە بەرێز”شێخ شامۆ” ژ نێزیك ڤە هایداری رەوشا قوتابخانێ ب شێوەیەكێ گشتی بوو ود دیدارەكێ دە لگەل كارگێریا قوتابخانێ پشتەڤانیا خۆ بۆ پێشڤەبرن و رێڤەبرنا قوتابخانانێ دووپاتكر و گوهداری ل گلە و گازندێن وان كر داكو ئەڤ پرۆسە ب سەركەفتیانە ب رێڤە بچە.
ژلایەكێ دیڤە “شێخ شامۆ” د پەیڤەکێ دا بۆ قوتابیان دیارکر و گۆت: پێتڤیە ورەیا وە یا بلند بە و راستە بارودۆخێ وە یێ دژیانەكا سەخت و دژوار و ئاوارەیێ دە دەرباز دبە،بەلێ ئیرادا قوتابیێن مە ل سالا بۆری دا و نۆكە ژی بهێزترە ژڤێ چەندێ و داخوازا سەركەفتنێ بۆ وان كر و پشتەڤانیا خۆ بۆ وان و مامۆستایان دووپاتكر بۆ وێ ئێكێ بكارن سالەکا سەركەفتی و پلە و ئەنجامێن باش تەمام ببە.
ل داویێ ژی مامۆستا و كارگێریا قوتابخانێ سوپاسیا”شێخ شامۆ”كرن كو هەر ژ دەستپێكا ڤێ قوتابخانێ ب پشتەڤانیا سەرۆكێ حكومەتا هەرێمێ رێزدار “نێچیرڤان بارزانی” درێخی نەكریە دپشتەڤانی و سەرراست كرنا كێماسیان دە و چاڤدێریەكا بەردەوام بۆ ئاریشێن مە كرینە،داكو ب سەركەفتیانە خزمەتا قوتابیان بكەین.
بۆ زانین ئەڤە دووسالە قوتابخانێن تێخی ب پشتەڤانیا حكوومەتا هەرێما كوردستانێ هاتینە ڤەكرن و دڤان دوو سالێن بۆری دە چارەنڤیسێ زێدەتر ژ 3 هەزار قوتابیێن ئێزدی یێن پۆلا دوازدێ قورتال كرینە و قۆناغا قوتابخانێ تەمام كرینە و بۆ زانكۆ و پەیمانگەهێن هەرێمێ هاتینە ڤەگوهاستن.
تُتاح هذه الصورة أيضا في: کوردی