ئاوارێن ئێزدی باوەری ب خەلكێ دەوروبەرێ دەڤەرێن خۆ نەمایە
تۆرا لالش یا راگەهاندنێ
چالاكڤانەكا ئێزدی ئاشكەراكر،كو ئاوارێن ئێزدی دخیڤەتگەهان دا دتەنگاڤیا دانە ونكارن ڤەگرنە دەڤەرێن خۆ،ئەگەرێن سەرەكی یێن نە ڤەگەریانا وان ژی ئەون باوەری ب وی خەلكێ دەوروبەر نەمایە،ژبەركو ژمارەكە مەزن ژ وی خەلكی دەست ل گەل داعش هەبوو ونەخۆشی یێن گەهاندینە وان،هەروەسا كارەساتا شنگالێ ب هەموو رەنگڤەدانێت خۆڤە یە بەردەوامە.
رونزا سالم،چالاكڤان ورۆژناماڤانا ئێزدی بۆ رۆژناما دەنگێ لالش راگەهاند:”پشتی بتر ژدوو سال بۆرین ل سەر داگیركرنا دەڤەرێن شنگال وباشیك وبەحزانێ ژلایێ رێكخراوا تیرۆرستیا داعش ڤە،كو پتریا ئێزدیا لێ دژیان وب سەدەها كەس هاتینە كوشتن وپتر ژ پێنچ هەزار ئێخسیر بووینە وپتریا وان ژن وزارۆكن وئاوارەبوونا هەزارەها كەسا ژدەڤەرێن وان هەتا نۆكە ژی بەشەك ژجهێن وان دبن كۆنترۆلا داعش دانە،دیسان هەتا نۆكە ژی ئاوارێن ئێزدی دخیڤەتگەهان دا دوان تەنگاڤیا دانە ونكارنە ڤەگرنە دەڤەرێن خۆ،ئەگەرێن سەرەكی یێن نە ڤەگەریانا وان ژی ئەون باوەری ب وی خەلكێ دەوروبەر نەمایە،ژبەركو ژمارەكە مەزن ژ وی خەلكی دەست ل گەل داعش هەبوو ولگەل داعش نەخۆشی یێن گەهاندینە وان، زێدەباری نەبوونا پلانەكە گونجای بۆ ئاڤەدانكرنا دەڤەرێ یا كو ژلایێ داعش ڤە هاتیە وێرانكرن ونەبوونا خزمەتكاریێن سەرەكی ئەگەرەن بۆ مانا وان دناڤ كەمپان دا،سەرەرای بەربەلاڤبوونا بێكاریێ وهەژاریێ ئەو نكارن ڤەگەرنە ڤە”.
زێدەتر گۆت:”پتر ژ3500گرتیێن ئێزدی ددەستێ داعش دانە ،هەروەسا مادەم هەتا نۆكە ئەڤ ژمارا گرتییان نەهاتینە رزگاركرن وهێش هندەك دەڤەرێن ئێزدییا ماینە نەئازادكری،كارەساتا شنگالێ ب هەموو رەنگڤە دانێت خۆڤە یە بەردەوامە”.
تُتاح هذه الصورة أيضا في: کوردی