ئاوارێن شاریا داخوازا دابینكرنا پێتڤیێن زڤستانێ دكن
تۆرا لالش یا راگەهاندنێ
ل ناڤا شاریا و گوندێن كەڤن یێن كۆمەلگەهێ دا 26هەزار ئاوارە دخیڤەت و كاڤلان دا ئاكنجی نە،ئەڤ دوو سالە خیڤەتێن وان نەهاتینە گهۆرین و بێچارەبووینە،ئاوارە ژی داخواز دكن خیڤەتێن وان بێنە گهۆرین و پێتڤیێن زڤستانێ بۆ وان بێنە دابینكرن.
دلگەش سەلیم،بەرپرسێ بنگەهێ لالش تایێ شاریا بۆ رۆژناما دەنگێ لالش گۆت:”ژمارا ئاوارەیێن دەرڤەی كەمپا شاریا 26هەزار كەسن د ناڤا كۆمەلگەها شاریا و گوندێن كەڤن یێن كۆمەلگەهێ د خیڤەت و كاڤلان دا ئاكنجی بووینە ،رەوشا وان ل بەرامبەری سالێن بۆری گەلەك باشبوویە و كارینە خۆ دگەل بگونجینن د هەر بیاڤەكێ ژیانێ دا،چ ژلایێ تێكەلبوونا جڤاكی یان ژلایێ ژیانا وان یا ئاوارەبوونێ، هەروەسا مە داخواز ژ وان رێكخراوێن د بیاڤێ ئاوارەیان دا كاردكن كریە خیڤەتێن نوو ژ بۆ ئاوارەیێن دەرڤەی كەمپا شاریا پەیدابكن،ژبەركو ماوێ خیڤەتێن وان ئێك سال بوو،لێ ئەڤە دوو سال ل سەر وی ماوەی را دەربازبوون و نەهاتینە گهۆرین گەلەك بێچارەبووینە و هێشتا دیارنینە ئەڤ داخوازیا مە دێ ئێتە بجهئینان یان نە،ئاوارە ژی داخواز دكن خیڤەتێن وان بێنە گهۆرین و پێتڤیێن زڤستانێ وەك سۆپا و گاز و جلكێن زڤستانێ بۆ وان بێنە دابینكرن”.
سەلیم گۆتژی ب شێوەیەكێ خۆبەخش ئەم یێن كەفتینە د خزمەتا ئاواران دا مل ب ملێ خەلكێ كۆمەلگەهێ ژ دەسپێكا هاتنا ئاواران دا،بنگەهێ لالش ل شاریا ژهەموو ئالیان ڤە د خزمەتا ئاوارەیان دایە،ئەوژی د چارەسەكرنا كێشەیێن جڤاكی یێن ئاوارەیان وڤەكرنا خۆلێن رەوشەنبیری و زمانێ ئینگلیزی و كۆمپیۆتەری،دیسان رۆلێ بنگەهی ژوان رێكخراوان كێمتر نینە یێن خزمەتا ئاوارەیان دكن.
تُتاح هذه الصورة أيضا في: کوردی