دەستەیا بلندا بنگەهێ لالش و لقێ هەڤدە یێ پارتی داكۆكی ل خۆرتكرنا پەیوەندییان كرن
تۆرا لالش یا راگەهاندنێ
ب مەبەستا هایداربوون ل سەر رەوشا لقێ هەڤدە،دوهی رێككەفتی 13شووباتێ،شاندەكێ دەستەیا بلندا بنگەهێ لالش ب سەرۆكاتیا بەرێز”شێخ شامۆ” سەرۆكێ بنگەهی،سەرەدانا لقێ هەڤدە یێ پارتی ل شنگالێ كر.
شاندێ دەستەیا بلندا بنگەهێ لالش ژبال بەرێز”وەحید باكۆزی”بەرپرسێ لقێ و هژمارەكا كارگێرێن لقێ ڤە هاتنە پێشوازیكرن،دڤی َهەڤدیتنێ دا هەردوو ئالیان داكۆكی ل خۆرتكرنا پەیوەندیان كرن.
هەروەسا بەرپرسێ لقێ هەڤدە یێ پارتی ل شنگالێ دیاركر:”بنگەهێ لالش رۆلەكی گرنگ هەیە دپاراستنا كلتۆرێ كوردی ب گشتی و یێ ئێزدیان ب تایبەتی دا ،ئەڤ بنگەهە هەر ژدەستپێكا دامەزراندنا خۆ هەتا نۆكە كاریە ببتە بنگەهەكێ راستەقینە بۆ گەهاندنا پەیاما ئێزدیان،لەوا ب هەموو شیان پارتی پشتەڤانێ ڤی بنگەهی و هەر بنگەهەكی دخزمەتا ئێزدیاتیێ دابت”.
ژبال خۆڤە بەرێز “شێخ شامۆ”سۆپاسیا لقێ شنگال كر بۆ هەماهەنگی و پشتەڤانیا ل بنگەهێ لالش دكن ب تایبەت دناڤا كەمپان دا،دوپاتكر كو گەرەكە هەموو لایەك خۆ پتر ماندوو بكت بۆ هندێ هەر كەس ل گۆر شیانێن خۆ خزمەتا ڤێ خەلكێ ئاوارە بكت.
تُتاح هذه الصورة أيضا في: کوردی