داخوازى ژ سەرۆك بارزانی هاتە كرن هەموو دەڤەرێن ئێزدیان بهێنە سەر كوردستانێ
باسنيۆز:
سەرۆكێ قەوالێن ئێزدیان، دیاركر: “ئێزدیان چەندین داخوازی ئاراستەی سەرۆكێ هەرێما كوردستانێ مەسعود بارزانی كرن ژوانا ژێ داخواز هاتە كرن هەموو دەڤەرێن ئێزدیان سەر هەرێما كوردستانێ ڤە بن ئێدی ئێزدی نەشین دگەل عەرەبان بژێن پشتی كارەساتا شنگال روودایی”.
قەوال بەهزاد سلێمان سڤۆ، سەرۆكێ قەوالێن ئێزدیان بۆ (باسنیوز)دیاركر: “مە داخواز ژ سەرۆك بارزانی كر دەڤەرێن ئێزدیان بهێنە ئاڤادانكرن و خەلكی زەرمەند بهێتە قەرەبوول كرن وهەموو پرۆژەیێن خزمەتگوزاری بهێنە دابین كرن بۆ دەڤەرین ویرانكری وەكو باشیك و بەحزانی و شنگال و سنوونی و هەموو دەڤەرێن دێ هاتینە ویرانكرن ژلایێ تیرۆرستێن داعش”.
خۆیا ژی كر: “خەلكی باشیك وبەحزانی داخوازا ئاڤاكرنا مەزارگەهێن ئاینی كرن 21 مەزارگەهێن ئاینی هاتبوونە پەقاندن ژلایێ تیرۆرستێن داعش ڤە مە داخواز ژ سەرۆكێ هەرێما كوردستانێ كر پشتەڤانیی بكەت بۆ ئاڤاكرنا هەموو مەزارگەهێن ئیزدیان وگەلەك داخوازیێن دێ هاتینە كرن لێ یا ژ هەموو گرنگتر ئەو دەڤەرێن ئێزدیان سەر عێراقی ڤە نەمینن هەموو بهێنە سەر هەرێما كوردستانێ ڤە”.
تُتاح هذه الصورة أيضا في: کوردی