ئیراقێ دادگهها جینوسایدناساندنا تاوانێن داعشێ ل شنگالێ دامهزراند
WAAR-دهۆك:
جڤاتا بلندا دادوهری ل ئیراقێ، بریارا دامهزراندنا دادگهههكا تایبهت بۆ جینوسایدناساندنا تاوانێن داعشێ ل شنگالێ دهرخست، وهزارهتا شههیدان و ئهنفالكریێن ههرێمێ پێشوازیێ ل وێ بریارا ئیراقێ دكهت.
فوئاد ئوسمان پهیڤدارێ وهزارهتا شههیدان و ئهنفالكریێن حكومهتا ههرێمێ گۆت: چهندین جاران داخواز ژ دادگهها لاهایی هاتییه كرن، كهیسا شنگالێ ب جینوساید بدهته ناسكرن، لێ ژبهركو ئیراق ئهنداما دادگهها تاوانێن نێڤدهولهتی نینه، ئهو كهیسه نههاتییه لڤاندن، لێ جڤاتا بلندا دادوهری ل ئیراقێ، بریارا دامهزراندنا دادگهههكا تایبهت بۆ جینوسایدناساندنا تاوانێن داعشێ ل شنگالێ دهرخست و ئهڤه ژی بریارهكا گرنگه.
گۆت ژی: تا نها نههاتییه دهستنیشان كرن، ئهو دادگههه دێ ل ئاستا نێڤدهولهتی یان ژی یا ناڤخوه بیت، لێ ههموو تاوانێن داعشێ د دهرحهقا ئێزدییان و خهلكێ شنگال و دهردوورا وێ، دێ لێ هێنه تۆماركرن.
تُتاح هذه الصورة أيضا في: کوردی