ب چاڤدێریا بەرێز”شێخ شامۆ” هەشت سالیا وەغەركرنا هۆنەرمەند”خدر فەقیر” هاتە ساخكرن
تۆرا لالش یا راگەهاندنێ
ب چاڤدێریا بەرێز”شێخ شامۆ” سەرۆكێ دەستەیا بلندا بنگەهێ لالش ل دهۆكێ،بنگەهێ لالش تایێ شنگالێ و نڤیسینگەهێن ب سەرڤە،بیرەوەرییا هەشت سالیا وەغەركرنا هۆنەرمەند”خدر فەقیر” ل كۆمەلگەها شاریا ساخكر.
ئیرۆ رۆژا پێنج شەمبوویێ 29حوزەیرانا 2017ێ،ل دەمژمێر پێنجی هێڤاری و ب ئامادەبوونا كەس و كار و ژمارەكا بەرپرس و كەسایەتی و رەوشەنبیر و جەماوەرەكێ زۆر، بیرەوەرییا هەشت سالیا وەغەركرنا هۆنەرمەند”خدر فەقیر” ل هۆلا لالش ئێك ل كۆمەلگەها شاریا ب چەندین برگێن جۆرا و جۆر هاتە گێران.
ل بەراهیێ وەك رێزگرتن بۆ گیانێ جانگۆریێن كورد و كوردستانێ،ئامادەبوویی خۆلەكەكێ سەكنین،پاش وەك رێزگرتن بۆ گیانێ وی،رێز ل نۆژدارێ ئێزدی”سەیدۆ ئلیاس” هاتە گرتن،كو دوهی رۆژا چارشەمبوویێ دروودانەكا دلتەزین دا ل رووبارێ خابووری دا ل قەزا زاخۆ گیانێ خۆ ژ دەست دا.
ل دووڤ دا بەرێز”خشو میرزا” سەرۆکێ بنگەهێ لالش تایێ شنگالێ پەیڤەك پێشكێشكر و دیاركر كو هۆنەرمەند”خدر فەقیر” ژ مالباتەكا هەژار ل شنگالێ هاتیە سەردونیایێ سالا 1950 و ل سالا 29/6/2009 وەغەرا داویێ كریە و چەندین سترانێن فلكلۆری یێن چیایێ شنگالێ پشتخۆڤە هێلان یێن كوچك ودیوانا،ئیرۆكە وەكو وەفاداری بۆ حەموو هۆنەرمەندێن چیایێ شنگال مە ب فەر دیت ڤیستەڤالا سالڤەگەرا وەغەركرنا وی بكن،كو ئەرشیفەكێ دەولەمەند یێ سترانا فلكلۆری یا رەسەنێ كوردی هەیە و كاریە گوهێ بینەرێ خۆ تژی بكت ب دەنگێ خۆ یێ خۆش دگەل وگەلەك سترانبَیژ و هۆنەرمەندان سترانێن كوچك و دیوانان گوتێنە.
ل پێرا سمینارەك ل دۆر ژیانناما هۆنەرمەندێ مەزن”خدر فەقیر”ژلایێ رۆژنامەڤان”موراد هسكانی”ڤە هاتە پێشكێشكرن و تێدا ب درێژی بەحسێ ژیانناما وی كر.
ل دووڤ دا پەیڤا بنەمالێ ژلایێ”تەحسین خدر فەقیر”كورێ هۆنەرمەندێ خودێ ژێ رازی هاتە پێشكێشكرن و سوپاسیا بنگەهێ لالش تایێ شنگالێ و نڤیسینگەهێن ب سەرڤە كر،بۆ سازدانا ڤێ چالاكیێ و ساخكرنا بیرەوەریێ و ئامادەبوویێن پشكداربوویین تێدا كر.
دبرگەیەكا دی دا فلمەكێ دیكیۆمێنتاری ل سەر ژیانا هۆنەرمەندێ وەغەركری هاتە پیشاندان.
ل داوییا چالاكیێ هەرسێ بەهرەمەندێن ئێزدی(حەماد،دلۆڤان،عەدویە) كو ژ شەش پشكدارێن سەركەفتی یێن بەرنامێ شەیدا بوون ل كەنالێ وار تیڤی كو بەهرەمەندان حەمادی كاری پلا ئێكێ و دلۆڤانی پلا دووێ ب دەست خۆڤە بینن،ژلایێ بەرێز”شێخ شامۆ” ڤە هاتنە خەلاتكرن و ل بەرامبەردا سوپاسیا شێخی كرن بۆ رێزلێنانا ل وان هاتی كرن.
تُتاح هذه الصورة أيضا في: کوردی