“ئیرۆ سالرۆژا دامەزراندنا بنگەهێ لالش تایێ باعەدرێ ب چەندین چالاكیان هاتە ساخكرن”
تۆرا لالش یا راگەهاندنێ
سالرۆژا دامەزراندنا بنگەهێ لالش تایێ باعەدرێ،ب چەندین چالاكیان جودا جودا ل باعەدرێ هاتە ساخكرن.
ئیرۆ رۆژا ئینیێ 14 تەمووزا2017ێ،درێورسمەكێ دا و ب ئامادەبوونا ژمارەكا زۆر ژ خەلكێ باعەدرێ ب حەموو پێكهاتێن خۆڤە، سالرۆژا دامەزراندنا بنگەهێ لالش تایێ باعەدرێ هاتە ساخكرن،كو ب ڤێ هەلكەفتێ بەرێز”خەلات باعەدری” سەرۆكێ بنگەهێ ناڤبری سمینارەك لدۆر(باعەدرێ دناڤبەرا دوهی و ئەڤرۆ دا)كو چەندین تەوەرێن دیرۆكی و جڤاكی و خزمەتگوزاری و رەوشەنبیری و خەباتا شۆرەشگیری بخۆڤە گرتبوون پێشكێشكر،پاشی گەنگەشە دناڤبەرا ئامادەبوویان و سمینار بێژی دا هاتە كرن.
ژلایەكێ دیڤە ئامادەبوویان پەسنا رۆلێ بنگەهێ لالش تایێ باعەدرێ كرن و ئەڤ هەلكەفتە پیرۆزكرن.
ل داویێ كێكا دامەزراندنێ هاتە دابەشكرن ب سەر مێڤانان كو وەك دیاری ژلایێ قوتابی “نازدار ئبراهیم علۆ” ڤە هاتبوو دروستكرن.
هەژی گۆتنێ یە ل رێككەفتی 14 /7 /2005ێ بنگەهێ لالش تایێ باعەدرێ هاتبوو دامەزراندن،كو هەتا نۆكە دوازدە سال ب سەر دامەزراندنا وی دا دەربازبوون.
تُتاح هذه الصورة أيضا في: کوردی