هندەك گوندێن ئێزدیان ل ئەرمینیا وجۆرجیا نیڤی ماینە
تۆرا لالش یا راگەهاندنێ
چالاكڤانێ ئێزدی راگەهاند،نهۆ رەوشا ئابووری یا ئێزدیێن ئەرمینیا وجۆرجیا خراپ دەرباس دبت،هندەك گوندیێن وان ژی نیڤ نیڤە ماینە.
دڤی واری دا چالاكڤان(شاكر مادو)بۆ رۆژناما دەنگێ لالش ئاشكەراكر،نێزیكی(33)هەزار ئێزدی ل ئەرمینیا دژین ژوان (5)هەزار كەس ل پایتەختا وی وەلاتی(یێریڤانێ) دژین و یێن دی ل(44) گۆندا دژین و هندەك ژوان ل گوندێن ئەرمینیا دژین،هەروەسا خێرخوازێ ئێزدی ( میرزا چۆلۆ ) مەزارێ لالش وقوبا سولتانێ ئێزی وقوبا میر دیوان ل گوندێ ( ئاكنالیتش ) ئاڤاكریە و نێزیكی یێریڤانێ یە و هندەك ئۆلدارێن ئێزدی وێ ل ئەرمنستانێ ئەو ژی(حەسەن شێخ مەحمود ) ل یێریڤانێ دژیت و بەرنامەكێ رۆژانە یێ نیڤ دەمژمێری لسەر رێورەسم و ئۆلا ئێزدیاتیێ پێشكێش دكت و مێرخاسێ ئێزدی( ئوسڤ بەگ) گەلەك ئێزدی و ئەرمەنی ژ زۆریا ئۆسمانیا قورتالكرن و گەلەك ژ سەربازێن ئۆسمانیا كوشتن،لەوا ئیرۆ رۆژ ناڤ ودەنگێ وی هەیە و پەیكەرێ وی مێرخاسی ل مەیدانا لالشا ئەرمینیا هاتیە بلندكرن.
دەربارەی ئێزدیێن جۆرجیا دیاركر،نێزیكی(20) هەزار ئێزدی ل تبلیسێ پایتەختێ وی وەلاتی و هندەك ژی ل باتومێ دژین و ئۆلدارێ ئێزدی (پیر دیما)سەرۆكێ جڤاتا رۆحانیا ئێزدیێن جۆرجیا ب كارو خەباتا ئێزدیا رادبت و رێورەسمێن ئۆلا ئێزدیاتیێ دگێرن،كو مەزارێ لالش و قوبا سولتانێ ئێزی ل تبلیسێ چێكریە وهەر سال ل هەیڤا حوزەیرانێ جەژنا سولتانێ ئێزی دئێتە كرن و هلێلا سواردكن و پەریا جوان دكن و قەول وبەیتا دبێژن وخێروخێراتا دكن و دەهول وزرنا ل حەوشا لالشێ دا لێددەن.
ناڤبری ئەو چەندە ژی راگەهاند،نهۆ رەوشا ئابووری یا ئێزدیێن ئەرمینیا وجۆرجیا خراپ دەرباس دبت ،لەوا گەلەك ژوان دچنە رووسیا و ئەورۆپا و گەلەك گوندیێن وان نیڤ نیڤە ماینە.
تُتاح هذه الصورة أيضا في: کوردی