ل شنگال شانهیێن نڤستى یێن تیرۆرستان دبنه مهترسى لسهر ژیانا وهلاتیان
باسنيوز:
ئهندامهكێ جڤاتا قهزا شنگال دیاركركو پشتى حهشدا شهعبى شنگال داگیركرى رێ هاته خوهشكرن بۆ وان عهرهبێن تهباخا سالا 2014 خیانهت ل خهلكێ شنگال كرى نوكه ئهو عهرهبێن یێن ڤهگهریاینه دهڤهرا شنگال دبنه شانهیێن نڤستى یێن تیرۆرستان.
خهلهف قاسم ، ئهندامێ جڤاتا قهزا شنگال بۆ(باسنیوز)دیاركر: “هاتنا عهرهبێن گهل تیرۆرستێن داعش یا بوویه ئهگهر شانهیێن نڤستى یێن تیرۆرستان ل دهڤهرا شنگال پهێدابن ههر نوكه ئهو شانهیێن نڤستى گهڤان ل ئێزدیان دكهن ههر وهكو بهرى چهند رۆژان ژى ل نێزیك كارگهها جهمنتۆیێ ترۆمبێلهكا نهناسیار هژمارهكا چهكداران تێدابوون تهقه ل دوو كهسێن ئێزدى كرن ئهو ترۆمبێل رهڤى چوو ناڤ وان عهرهباندا”.
خۆیا ژى كر: “ئهو عهرهبێن خیانهت ل خهلكێ شنگال كرین دێ ههموو بنه شانهیێن نڤستى ل دهڤهرى دێ جارهكا دێ كارێن تیرۆرى ئهنجام دهن پێدڤیه بهێنه سزادان و رێك نههێته دان ڤهگهرنه دهڤهرى چونكو دێ ژیانا خهلكێ ئیخنه مهترسیێ دا”.
تُتاح هذه الصورة أيضا في: کوردی