ئاوارێن كەمپا شاریا داخوازا گازا سپی دكن
تۆرا لالش یا راگەهاندنێ
ل كەمپا شاریا یا ئاوارەیێن شنگالێ (17)هەزار كەس تێدا دژین،هاتنا وەرزێ زڤستانێ و سەرمایێ ژیانا وان بزەحمتر كەفتیە،داخواز دكن دەست ب بەلاڤكرنا گازا سپی بێتە كرن كو هەتا نهۆ وەرنەگرتینە.
ئاوارە(ئەیمەن عەبدولا)دیاركر،وەك خەلكێ كەمپێ دخوازین دەمژمێرێن پێدانا كارەبا گشتی بێنە زێدەكرن و جلكێن زڤستانێ و سۆپە بێنە دابینكرن و دەست ب بەلاڤكرنا گازا سپی بێتە كرن كو هەتا نهۆ مە وەرنەگرتیە،ژبەركو دوەرزێ زڤستانێ دا و هاتنا سەرمایێ رەوشا مە بزەحمەتر كەفتیە.
(خێری شەرقی)وەك مامۆستایەك دبێژن:رەوشا قوتابیان ل كەمپێ گەلەك بزەحمەتە ژبەر نەبوونا پەرتۆك و پێنووسان و چەند پێتڤیێن دیتر،ل قوتابخانێ هەیە پتر ژ( 50) قوتابیان دئێك پۆلێ دانە و لڤێ وەرزێ زڤستانێ تووشی نەخۆشیا سەرمایێ دبن ژبەر نەبوونا سۆپە و گازێ،ئەڤجا داخوازێ ژ جیێن شۆلەژێ دكەین پێتڤیێن قوتابیان دابین بكن.
رێڤەبەرێ كەمپا شاریا(هەكار محەمەد)گۆت:ل كەمپێ دا(17)هەزار كەس دژین و خیڤەتێن وان گەلەك بچووكن و پێتڤی ب لێلانگەهانە،دڤی وەرزێ سەرمایێ دا ئاوارە پێتڤی ب پێتڤیێن زڤستانێ نە وەك سۆپە و گاز ودۆشەك و بەتانیە،ئاریشا كەمپێ یا هەرە زێدەتر ئەوە خیڤەت بێنە گهۆرین و داخوازێ ژ رێخراوا( AFAD )یا توركی دكەین ب ئەركێ خۆ رابت وەك بەرپرس دا ڤێ ئاریشێ چارەسەربكەین.
تُتاح هذه الصورة أيضا في: کوردی