هژمارەكا رزگاربوویێن کوردێن ئێزدی ل ئەلمانیا چارەسەريێ وەردگرن
باسنيوز:
رێڤەبەرێ نڤیسینگەها رزگاركرنا رەڤاندیێن ئێزدی ل دهۆكێ دیاركركو ئەم نۆكە ل گەل ئەلمانیا ھەول ددەن پتر هاریكاری و پشتەڤانیا رزگاربوویێن ئێزدی بهێتە كرن. ب هەڤكاریا حكومەتا هەرێما كوردستانێ نۆكە هژمارەكا رزگاربوویێن ئێزدی بۆ وەلاتی ئەلمانیا هاتینە رەوانەكرن ب مەرەما چارەسەریێ.
حۆسین قائێدی، رێڤەبەرێ نڤیسینگەها رزگاركرنا رەڤاندیێن ئێزدی ل دهۆكێ بۆ (باسنیوز) دیاركر: “ل باژێری دیسبورگ یێ ئەلمانیا ب هەڤكایا ئێكەتیا كۆمەلێن كوردستانێ ل ئەلمانیا و لێژنا پارتی دیموكراتی كوردستان ل دوسەلدورف گەنگەشە ل سەر دۆسیەیا رزگاركرنا رەڤاندیێن ئێزدی هاتە كرن. ئەو ئامارێن ل بەر دەست بۆ ئەلمانیا هاتینە رەوانەكرن. ئەم كاردكەین دگەل هەموو وەلاتان بۆ پشتەڤانیا رزگاركرنا رەڤاندیێن ئێزدی بتایبەتی ژی ئەلمانیا رۆلەكێ بەرچاڤ هەبوویە د چارەسەریا رزگاربوویان دا.
خویا ژی كر: ” 6417 كەس ل كارەساتا شنگال هاتبوونە گرتن ورەڤاندن ژوانا ژی 3547 كچ وژنن و 2870 زارۆك و زەلامن. هەتا ئەڤرۆ هژمارا كەسێن رزگاربووی گەهشتنە 3259 كچ وژن و زارۆك رزگاربووینە”.
تُتاح هذه الصورة أيضا في: کوردی