ل دەشتا نەینەوا كۆمەلگەهەكا ئێزدیان تووشی قەیرانا ئاڤێ دبت
باسنيوز:
نوونەرێ خەلكێ بابیری ل جڤاتا قەزا تلكیفێ دیاركركو خەلكێ كۆمەلگەها بابیری ل دەشتا نەینەوا تووشی قەیرانا ئاڤا ڤەخۆارنێ بووینە هەر 10 رۆژان جارەكێ ئاڤ بۆ خەلكێ دهێتە دابین كرن، خەلك نەچاربووینە ئاڤا ڤەخۆارنێ ب تەنكەران بخوە بكرن.
شێخ ئەمجەد رەشۆ، نوونەرێ خەلكێ بابیری ل جڤاتا قەزا تلكیفێ بۆ(باسنیوز) دیاركر:” ئەڤە 30 سالن وەكو ئەڤ سالە ئاڤا بەنداڤا مووسل كێم نەبوویە و كێمبوونا ئاڤا بەنداڤا مووسل زۆر كارتێكرن ل ژین وژیارا خەلكێ كۆمەلگەها بابیری كریە. نۆكە رەوشا ئاڤا ڤەخۆارنێ مەترسیەكا مەزن دایە، هەر 10 رۆژان جارەكی ئاڤ بۆ خەلكێ دهێتە دابین كرن. نۆكە دەڤەرا مە تووشی قەیرانا ئاڤێ بوویە ل وەرزێ هاڤینێ دێ مەترسی زێدەتر بیت “.
خویا ژی كر:” بتنێ چێكرنا پرۆژەكێ ئاڤێ دێ كێشەیا ئاڤێ ل كۆمەلگەها بابیری چارەسەركەت وداخازێ ژ حكومەتا هەرێما كوردستانێ دكەین بەری وەرزێ هاڤینێ بهێت چارەسەریەك بهێتە دیتن بۆ دابینكرنا ئاڤێ ل دەڤەرێ”.
تُتاح هذه الصورة أيضا في: کوردی