ل سنوونێ جوانەکێ ژیانا خوە ب داوی کر

ل سنوونێ جوانەکێ ژیانا خوە ب داوی کر
باسنيوز:

ئەندامەکێ جڤاتا ناحیا سنوونێ دیارکر کو گەنجەکێ ب ناڤێ (خەلەف خدر حینتو) ژدایک بووی سالا 1982 ل سنونێ خوە کوشت.

ئەڤرۆ 22/5/2018 سلیمان فانۆ، ئەندامێ جڤاتا ناحیا سنوونێ بۆ(باسنیوز) دیار کر: “ئەڤ گەنجێ ئێزدی خۆدان خێزانان و زارۆک ھەنە کەسەکێ ھەژار بوویە، پشتی مایە ل ناحیا سنوونێ باری وی دەروونی تیکچوویە وەسا دیارە کونترول ل سەر خوە نەکریە، ب مخابنی ڤە وێ گەنجی یا خوە کوشتی”.

نواف خدر برایی وێ گەنجی ل سنوونێ بۆ (باسنیوز) دیار کر: “پشتی بۆ ماوی (20) رۆژان مایە دناڤ نەخۆشخانێ دا ل مووسلێ مە ئینا مال نووکە ژی وێ دەستێن خوە یا خوە کوشتی و پێنچ زارۆک دووڤ خوە ھێلان ژوانا ژی دوو کۆر و سێ کچ ئەم داخازی ژ رێکخراوان و حکومەتا ھەرێما کوردستانێ و بەغدا دکەین نەھێلن ئەڤ ھەر پێنچ زارۆک بمینن ئەتیم، چونکو رەوشا وان دارایی زۆریا خراب و گەلەک ھەژارن”.

پسپۆرێن دەروونناسیێ دبێژن، ئەو کەسێن کو خۆ دکوژن، یان ھەولا خۆکوشتنێ ددەن، ڕەوشا دەروونییا وان باش نینە، نکارن لھەمبەر ئاریشە و کێشەیان بریار بدەن.

تُتاح هذه الصورة أيضا في: کوردی