رێورەسمێن نووژەنكرن و هلێلكرنا مەزارگەهێ خدر الیاس ل گوندێ كەرسافا ب رێڤەچۆن
تۆرا لالش یا راگەهاندنێ
ب ئامادەبوونا سەماحەتا”بابا شێخ”لێڤەگەرێ ئێزدیا و جۆقەتا وی و رێزدار”شێخ شامۆ”سەرۆكێ دەستەیا بلندا بنگەهێ لالش و خەلكێ دەڤەرێ،رێورەسمێن نووژەنكرن و هلێلكرنا قوبا مەزارگەهێ(خدر الیاس) ل گوندێ كەرسافا ب رێڤەچۆن.
ئیرۆ رۆژا ئینیێ 25ی گولانا 2018ێ ل بنیا چیایێ ئەلقووشێ ب كەیف و خۆشی و لبەر دەنگێ دەڤ و شەبابا و ب رێورەسمێن ئایینی مەزارگەهێ(خدر الیاس) هاتە نووژەن و هلێل كرن،پشتی ل سالا1987ل دەستپێكا ئەنفالێن رەش ژ ئالیێ رژێما گۆرب گۆرا ژناڤچۆیی ڤە گوند و مەزارگەهێن گوندی ب تەڤاهی هاتینە ژناڤبرن و خرابكرن.
لسەردەمێن شۆرەشێن كوردستانی ب رێبەریا بارزانیێ نەمر گوندێن كەرسافا و خۆرزا كو دكەڤنە بنیا چیایێ ئەلقووشێ،پشكداریەكا كاریگەر دشۆرەشێ دا كرینە و بەردەوام گوندێن ئێزدیا جیێ ڤەحەویانا پێشمەرگەهێن شۆرەشێ بوون و ب گیان و مال و جوامێری و ناندەریا خۆ مێژوەكا پاقژ ژ خۆرا تۆماركرینە و زەحمەتی و زۆرداری زیندانی شەهیدی و برینداری و مال وێرانی و تالانكرن دیتینە.
تُتاح هذه الصورة أيضا في: کوردی