٣٠% مەسیحیێن شنگال چۆینە دەرڤەی وەلاتی
تۆرا لالش یا راگەهاندنێ
نوونەرێ مەسیحیان ل جڤاتا قەزا شنگال ئاشكەراكر كو ب رێژا(٣٠%) مەسیحیێن ئاكنجیێن شنگال یێن چۆینە دەرڤەی وەلاتی،ب تایبەتی چۆینە وەلاتێ كەنەدا و ئوسترالیا.
(عیسا شەمعون) بۆ رۆژناما دەنگێ لالش راگەهاند،هەتا(٣٠٠) كەسێن مەسیحی ل شنگال دژیان بەرێ جینۆسایدا ل شنگال رووبدەت،هەتا نهۆ ئەڤ ژمارا كەسێن مەسیحی نكارینە جارەكا دی بزڤرنە ڤە ژبەركو(٥٢) مالێن مەسیحیان ل شنگال هەبوون هەموو خانیێن وان یێن هاتینە پەقاندن وسۆتن و بەغدا هەڤكاری نەكریە بۆ چێكرنا خانیان،دیسان رەوشا شنگال ژی هاریكار نینە خەلك ڤەگەرن ڤە ئەڤە نێزیكی پێنچ سالانە ئاوارێن مەسیحی یێن خەلكێ شنگال دناڤ خانیێن كرێدانە و هەیڤانە كریا خانیان ددەن.
ناڤهاتی ئەو ژی خویاكر،لسەردەمێ جینۆسایدا دا شنگال چار كەسێن مەسیحی هاتنە بێسەروشوون كرن هەتا نهۆ ب تنێ تەرمێ كەسەكی ژوان د ناڤ كەنیسەكێ دا هاتیە دیتن ئەو ژی ناسناما وی دگەل دا بوو لەورا هاتیە ناسكرن،هەر سێ كەسێن دی بێسەروشوونن و چارەنڤیسێ وان یێ دیار نینە.
تُتاح هذه الصورة أيضا في: کوردی