قایممقامێ شنگال:حەشدا شەعبی رێگریێ ل ئاڤەدانی و ڤەگەریانا ئاواران دكت
تۆرا لالش یا راگەهاندنێ
قایممقامێ قەزا شنگال راگەهاندكو هێشتا(85%) ژ خەلكێ شنگالێ ئاوارەنە و ل ناڤ كەمپان دا ل سنوورێ پارێزگەها دهۆكێ دژین،لێ سەرەرای ڤەكرنا رێیا سحێلا خەلكێ باوەری ب حەشدا شەعبی نینە و رێگریێ ل ئاڤەدانی و ڤەگەریانا وان دكن.
دڤی واری دا قایممقامێ قەزا شنگال(مەحما خەلیل) بۆ رۆژناما دەنگێ لالش ئاشكەراكر،پشتی روودانێن (16)ی ئوكتۆبەرێ شنگال كەفتە بن كۆنترۆلا حەشدا شەعی و رۆژانە خەلكێ سڤیل ل شنگال روبروویی سزایی و نەخۆشیا ژیانێ دبن و حەشدێ ژی دڤێت جینۆسایدەكا دی بسەرێ ئێزدیان بینت،سەرەرای ڤەكرنا رێیا سحێلا هێشتا خەلك ڤەنەگەریاینە جیێ باب و كالێن خۆ ژبەر رەوشا ئالۆز یا دەڤەرێ و باوەری ب وان هێزا نینە یێن ل شنگال دەستهەلاتدار و ئەمنیەت ل دەستێ وان دایە كو هێشتا(85%) ژ خەلكێ ئاوارەنە و ل ناڤ كەمپان دا ل سنوورێ پارێزگەها دهۆكێ دژین وگۆت:((خەلكێ شنگالێ د رەوشەكا خراب داینە و پێتڤی ب هاریكاریێ نە و داخواز ژ كۆمپانیێن نێڤ دەولەتی كریە چاڤێ وان ل ئاڤاكرنێ و ڤەگەریانا ئاواران بت،لێ هێزێن نە یاسایی بووینە رێگر)).
مەحما خەلیل دیاركرژی حەشدا شەعبی و هێزێن پەكەكێ ئەنجومەنەكی نە شەرعی بۆ شنگال دانایە، لێ هیچ یاسایی و شەرعی نینە و خەلك ژبۆ برێڤەبرنا كارێ خۆ سەرەدانا ئیدارا شەرعی یا شنگال دكن.
تُتاح هذه الصورة أيضا في: کوردی