3 كچێن دی یێن كوردێن ئێزدی هاتن رزگاركرن
WAAR-دھۆك:
نڤیسینگه‌ها كاروبارێن ره‌ڤاندییان رزگارگرنا سێ كچێن دی یێن كوردێن ئێزدی راگه‌هاند.
حسێن قائیدی، رێڤه‌به‌رێ نڤیسینگه‌ها كاروبارێن ره‌ڤاندییان بۆ وار راگه‌هاند: نڤیسینگه‌ها وان شیا سێ كچێن دی یێن كوردێن ئێزدی رزگاربكه‌ت و ل چه‌ند رۆژێن بهێت دێ گه‌هنه‌ناڤ كه‌سوكارێن خوه ل هه‌رێما كوردستانێ.
گۆت ژی: ئه‌و سێ كچه ژ سووریێ هاتینه رزگاركرن و داعشێ ل ده‌مێ كۆنترۆلكرنا گوندێ كۆچۆ ل سالا 2014ێ ره‌ڤاندبوون.
رێڤه‌به‌رێ نڤیسینگه‌ها كاروبارێن ره‌ڤاندییان زێده‌تر ئاشكه‌را كر: نڤیسینگه‌ها وان به‌رده‌وامه ل سه‌ر كاركرنێ ژ بۆ رزگاركرنا ره‌ڤاندیێن كوردێن ئێزدی.
تُتاح هذه الصورة أيضا في: کوردی