پۆلیس دێ دۆسهيا ئاساییشا شنگالێ وەرگرن
WAAR-دهۆك:
پارێزگەرێ نەینەوا رادگەھینیت؛ پۆلیسێن ناڤخۆ دێ ئەرکێ پاراستنا ئاساییشا شنگالێ وەرگرن، پشتی کو کارمەندێن دەرێخستی یێن وەزارەتا ناڤخۆ دھێنە ڤەگەراندن.
مەنسوور مەرعید د داخۆیانییەکێ دا گۆتییە: ل دەمەکێ ھەری نێزیک برێڤەبرنا دۆسییا ئاساییشا ناڤخۆ یا شنگالێ دێ کەڤیتە دەست پۆلیسان ژ خەلکێ دەڤەرێ، لێ پشتی فەرمانا ڤەگەراندنا کارمەندێن وەزارەتا ناڤخۆ یێن دەرێخستی دھێت بجھئینان.
پارێزگەرێ نەینەوا بەحسا پلانێن حکومەتا فیدرال ژی ژبۆ دوبارە ڤەکرنا سازیێن حکومەتێ ل شنگالێ کر و دیارکر، نھا کار ل سەر وێ چەندێ دھێتە کرن.
ل گۆری زانیاریێن پارێزگەھا نەینەوا، پۆلیسێن کو دێ بۆ پاراستنا ئاساییشا ناڤخۆ یا شنگالێ ھێن راسپاردن، دێ ژ خەلکێ شنگالێ و دەڤەرێ ب خوە بن، لێ چ ئاماژە نەکر ئەگەر پەکەکە و ھێزێن سەر ب وێ ڤە ل جھێن خوە بمینن.
تُتاح هذه الصورة أيضا في: کوردی