ل شنگال رێگری ل خووندنا كوردی دئێتە كرن
تۆرا لالش یا راگەهاندنێ
رێڤەبەرێ پەروەردا شنگال یا زمانێ كوردی ئاشكەراكر،كێشا نەبوونا قوتابخانە و مامۆستا و پەرتۆكان ل شنگال هەیە،حەشدا شەعبی و حكومەتا عێراقێ رێ ب پەروەردا مە نادەن كارێ خۆ ئەنجام بدەن و رێگری ل مە دئێتە كرن و نكارن بچنە دەڤەرێ.
دەربارەی رەوشا خووندنا كوردی ل شنگال،رێڤەبەرێ پەروەردا شنگال یا زمانێ كوردی (حسێن خدر)بۆ رۆژناما دەنگێ لالش خویاكر،رەوشا ئێمناهیێ ل شنگال یا ئێمن نینە و ئەم نكارن بچنە شنگال،ژبەركو رێگری ل مە دئێتە كرن و حەشدا شەعبی و حكومەتا عێراقێ رێ ب پەروەردا مە نادەن كارێ خۆ ئەنجام بدەن،گۆتژی نەبتنێ كێشا ڤەگوهاستنا قوتابیان ل شنگال هەیە بەلكو گەلەك كێشەیێن دیتر ژی وەك نەبوونا قوتابخانە و مامۆستا و پەرتۆكان هەنە،ئەڤە هەموو پرسگرێكن دكەڤنە درێیا قوتابیان دا و ئەم د ئاگەهدارن كو قوتابیێن مە درەوشەكا خراب دا دەرباز دبن.
حسێنی رۆنكر ژی گەلەك جارا داخواز كریە ژ رێكخراوێن خێرخوازی و مافێ مرۆڤی هاریكاریا قوتابیێن شنگال بكن،بەلێ وەسا دیارە رێكخراو ژی ژبەر رەوشا ئێمناهیێ نكارن ل دەڤەرێ بمینن و هاریكاریا خەلكێ بكن،ب رێیا خۆ دەنگێ قوتابیان گەهاندیە جیێن پەیوەندیدار داكو چارەیەك ژبۆ كێشا ڤەگوهاستنا وان بێتە دیتن و ژڤێ رەوشا پەریشان قورتال ببن و بەردەوامیێ بدەنە خووندنا خۆ ل دەڤەرێ.
تُتاح هذه الصورة أيضا في: کوردی