ئاوارێن ڤهدگهرنه شنگال دێ مليۆن ديناران وهرگرن
شنگال- KDP.info-
وەزارەتا کۆچ و کۆچبەرێن ئیراقێ دجڤینا ئەڤرۆ دا ملیارەکا دیناران بۆ ئاوارەیێن ئیزدی یێن کو ڤەدگەریێن تەرخانکر.
ئیڤان فائیق جابرۆ، وەزیرا کۆچ و کۆچبەران د وێ جڤینێ دا راگەهاند، سیاسەتا حکومەتی پشتەڤانیا تەمام ژبۆ پرسا ڤەگەریانا ئاوارەیان دکەت بۆ جهێن وان یێن سەقامگیر و ب تایبەت خێزانێن ئێزدی کو ڤەدگەرنە جهێن خۆیێن رەسەن.
راگەهاند ژی، ئەوان بریاردایە ب ڕیکا لیژنەیێن تایبەتمەند ل سەر پرسا ڤەگەریانێ کاربکەن و ملیارەکا دیناران بۆ وان خێزانێن ئیزدی تەرخان بکەن ئەوێن ڤەدگەرنە جهێن خۆ ئەوژی وەک پشتەڤانی.
محەمەد بەبواتی،بەرپرسێ راگەهاندن و پەیوەندییان ل کۆچ و کۆچبەرێن دهۆکێ گۆت، ڤەگەریانا خێزانین ئێزدی بەردەوامە بۆ شنگالی و رۆژانە خەلک ڤەدگەڕیێت.
ئەوی بۆ ماڵپەرێ فەرمیی یێ پارتی دیموکراتی کوردستان گۆتژی: مینحەکا دارایی ب وان خێزانان دهێتە دان ئەوێن ڤەدگەرن.
زێدەتر ژ ٣٦٠ هەزار ئاوارەیێن ئێزدی ئاوارەیی هەرێما کوردستانێ بوون نها جارەکا دی پێلا ڤەگەریانا ئاوارەییان بۆ جهێن وان دەستپێکرییە.
تُتاح هذه الصورة أيضا في: کوردی