گرۆپێن چهكدار رێگریێ ل دووباره ئاوارهبوونا خهلكێ ڤهگهریايە شنگال دكن
باسنيوز:
بهرپرسێ لیژنا پارتى ل قهزا شنگال دیاركركو ههر كارهكێ خراب بیت گرۆپێن چهكدار بۆ مانا خۆ ناڤ شنگال دا ئهنجامدهن نۆكه ژى رێگریێ ل خهلكێ ڤهگهریانە شنگال، دكهن و ناهێلن خهلك دووباره ئاواره بیت”.
حهسهن مچى، بهرپرسێ لیژنا پارتى ل قهزا شنگال بۆ (باسنیوز) دیاركر:” گرۆپێن چهكدار ههولدهن خهلكێ سڤیل یێن ڤهگهریانە شنگال ههكه هات شهر رووبدهت وێ خهلكێ سڤیل وهكو مرتال ئانكو قهلغانا مرۆڤێ بكاربینن لهورا ژى رێ وان خێزانان نادهن یێن ڤهگهریانە شنگال دووباره ئاوارهیێ ههرێما كوردستانێ بن كو حكومهتا عێراقى یا بێژته پهكهكێ و ههموو گرۆپێن ب سهر ڤه، شنگال چۆل بكهن دبهرامبهر ژى دا پهكهكە بێژت ئهم شنگال چۆل ناكهن. ئهڤه چهندى گهلهك ترس بۆ خهلكێ ڤهگهریانە شنگال دروستكریه چونكو ترس ئهو شهر رووبدهت وگرۆپێن چهكدار خهلكێ بكهته مرتال بخۆ”.
ئاشكهرا كر:” ئهز بینم مهرهما پهكهكێ و ههموو گرۆپێن ب سهر ڤه یێن ناڤ شنگال دا بتنێ ئهوه پارتى دیموكراتى كوردستان نه زڤرته شنگال راستى ژى ههكه پارتى نهچته شنگال تهناهی ل شنگال پهیدانابیت، ئاوارێن شنگال ژى نهشێن ڤهگهرن “.
گۆتژى:” ههر كارهكێ خراب بیت گرۆپێن چهكدار بۆ مانا خۆ ناڤ شنگال دا ئهنجام دهن چونكو وان نهڤێت تهناهى ل شنگال پهیدابیت لهورا ژى دژاتیا رێكهفتنا شنگال دكهن بووینه بهلا بۆ خهلكێ شنگال”.
تُتاح هذه الصورة أيضا في: کوردی