نێچیرڤان بارزانى دوماهیێ ب سهرهدانا خۆ یا فرهنسا ئینا
گاڤ نیوز:
سەرۆکێ هەرێما کوردستانێ شڤێدی د وەستگەها دوماهیێ یا سەرەدانا فرهنسا دا سهرهدانا بالیۆزخانهیا ئیراقێ ل پاریسێ كر و ئهڤرۆ دێ ڤەگەریته هەرێما کوردستانێ.
ل گۆرەی راگەهاندنەکا سەرۆکاتیا هەرێما کوردستانێ، د دوماهی وەستگەها سەرەدانا سەرۆکێ هەرێما کوردستانێ بۆ فرەنسا، نێچیرڤان بارزانی شڤێدی درەنگ ل بالزیۆخانەیا ئیراقێ ل پاریس ل گەل کازم ئەلروکابی، بالیۆزێ کاربرێکەر یێ ئیراقێ ل فرەنسا كۆمبوو و هەردو ئالیان بەحس ل پەیوەندیێن فرەنسا و ئیراقێ و ئهنجامێن سەرەدانا نێچیرڤان بارزانی بۆ فرەنسا کر.
نێچیرڤان بارزانی، سەرۆکێ هەرێما کوردستانێ بەری دو رۆژان گههشتبوو پاریسێ، دوهی نیڤرۆ ل كۆچكا ئێلیزی ژ ئالیێ ئیمانوێل ماكرۆن، سهرۆكێ فرهنسا ڤه هاته پێشوازی كرن، نێچیرڤان بارزانی پشتى كۆمبوونا ل گهل ماكرۆنی د تویتهكێ دا راگههاند: خۆشحالبووم ب دیدارا ههڤالێ خۆ سهرۆك ماكرۆنى، من سوپاسیا هاریكاریێن بهردهوام یێن فرهنسا كر.
سەرۆکێ هەرێمێ پاشان ل گەل جان ئێف لۆدریان، وەزیرێ دەرڤە یێ وی وەلاتی ژی کۆمبوو و پەیوەندیێن فرەنسا و هەرێما کوردستانێ بەحس کرن.
نێچیرڤان بارزانی شڤێدی سەرەدانا بالیۆزخانەیا ئیراقێ ل فرەنسا کر و دوماهی ب سەرەدانا خۆ ئینا و ئەڤرۆ دێ ڤەگەریته هەرێما کوردستانێ.
تُتاح هذه الصورة أيضا في: کوردی