خالیدا خهلیل: گرۆپێن چهكدار هێزێن خوه دناڤ شنگالێ دا زێدهكرینه
ئهڤرۆ نيوز:
ئهندامهكا جڤاتا نوونهرێن عیراقی راگههاند، ل شوینا گرۆپێن چهكدار ل شنگالێ هێزێن خوه ڤهكێشن، بهرۆڤاژی هژمارا چهكدارێن خوه یێن زێدهتر لێكرین، ئاشكراكر ژی كو ههتا نوكه ژی حوكمهتا عیراقی د پرسا چارهسهركرنا رهوشا شنگالێ دا یا رژد نینه.
خالیدا خهلیل، ئهنداما جڤاتا نوونهرێن عیراقێ ژ فراكسیۆنا پارتی گۆت” حوكمهتا عیراقی یا رژد نێنه د چارهسهركرنا رهوشا شنگالێ دا، ئهڤه شهش ههیڤ ب سهر رێككهفتنا شنگالێ بۆرین وهێشتا بهغدا بزاڤێن رژد نهكرینه كو رێككهفتنا شنگالێ بجهبینیت، بهلكو بهرژوڤاژی رێككهفتنی كار یێ هاتیه كرن ئهوژی هێزین چهكدار دناڤ شنگالێ دا سێ جاركێ یێن زیدهتر لێهاتین ژبهری رێككهفتنا شنگالێ بهێته كرن كو گرنگترین خالێن وێ رێككهفتنێ ئهوبوو هێزێن چهكدار شنگالێ چۆل بكهن”.
خالدایێ خۆیاكر” ئهم دخوازێن رێككهفتنا شنگالێ بهێته بجهئینان و هێزین نه شهرعی شنگالێ چۆل بكهن، ئهڤه شهش ساله خهلكێ شنگالێ ئاوارهبووین ودبن چادران دانه وهێشتا نه زڤرینه شنگالێ، پێدڤیه ههموو كار بهێنه كرن بۆ دابینكرنا تهناهیێ ل شنگالێ و شنگال بهێته ئاڤهدانكرن تاكو ئاواره بشێن ڤهگهرن”.
ژلایێ خوهڤه، حهسهن مچی، چاڤدێرێ سیاسی ل قهزا شنگال دیاركر” چیایێ شنگالێ جههكێ ستراتیژی یه و گرۆپێن چهكدار بنگهه و بارهگایێن خوه ل چیایێ شنگالێ داناینه، لهورا ههردهم رێگریێ ل لهشكرێ عێراقی دكهن وئهو گرۆپێن نه شهرعی ب ساناهی چیایێ شنگالێ چۆل ناكهن”.
وی چاڤدێری زێدهتر گۆت” گرۆپێن چهكدار رێگریێ ل هاتنا لهشكرێ عیراقی بۆ چیایێ شنگالێ دكهن، چونكه گرۆپێن نه شهرعی چیایێ شنگالێ ب تهمامی خستیه بن كونترۆلا خوه و بنگهه و بارهگایێن خوه دناڤ ل چیایێ شنگالێ داناینه وبۆ بهرژوهندیێن خوه رێ ب لهشكرێ عیراقی نادهن بهێته چیایێ شنگالێ و ب دیتنا من گهلهك یا ب زهحمهته هێز و گرۆپێن نه قانوونی ب ساناهی چیایێ شنگالێ رادهستی بهغدا بكهن چونكه چیایهكی ستراتیژی یه بۆ كونترولكرنا ههموو دهڤهرا شنگالێ”.
ئاشكرا كرژی” گرۆپێن چهكدار مهرهم ب كونترولكرنا چیایێ شنگالێ ههنه، چونكه بلندترین چیایه ل دهڤهرێ و ههتاكو ب زهحمهت ئهو گرۆپ بێ شهر چیایێ شنگالێ چۆل بكهن و ههر دهمێ لهشكرێ عیراقی بهر ب چیایێ شنگالێ دچیت، گرۆپێن چهكدار دهملدهست ئالۆزیان دروست دكهن”.
تُتاح هذه الصورة أيضا في: کوردی