بنگەهێ لالش:ئاگربەربوونا خیڤەتێن کەمپا شاریا شهرمزاریهكا نووى یە گرێدایى ب زنجیرا دەردەسەریێن خەلکێ شنگال
– داخوازا قەرەبووکرن و هاریکاریێن بلەز بۆ زیالێکەفتیان دکەین.
– ئەوێن نەرازی لسەر رێککەفتنا شنگال بلا شەرم ژخۆ بکەن ژ روودانا تراژیدى يا ئيرۆ.
پشتى روودانا غەمگین و تێر ئازار کو ژ ئەنجامێ سۆتنا سەدان خیڤەتێن کەمپا شاریا یێن ئاواریێن خەلکێ مەیێ شنگال و د ئەنجامدا خوسارەتێن مەزن مادى و هەبوونا چەندین برینداران، ئەڤ چەندە شهرمهزاریهكا نووى یە ژ ژنجیرا نەخۆشى و دەردەسەریێن خەلکێ شنگال.
خیڤەتێن ئاواران ل هەر کەمپەکێ د کەڤنن و د بەرهەڤن بۆ ئاگربەربوونێ و سۆتنێ تایبەت ل وەرزێ هاڤینێ، یا دیارە تەمەنێ کەمپا شاریا هەفت سال دەربازکرینە ئەڤا ئیرۆ رووداى ئەنجامەکێ غەمگینە، سەراراى ئازادکرنا شنگال لسەر دەستێ پێشمەرگەهێن قەهرەمان، لێ وەکو ئەم دزانین بارودۆخێ سیاسى و لەشکەرى ل شنگالێ و نەبوونا پرۆژەیێن خزمەتگوزارى د هەفت سالێن بۆرى دا بوویە ئەگەرێ نەزڤرینا ئاوارەیێن خەلکێ شنگالێ بۆ جهـ و وارێن خۆ ل شنگالێ و خەلکی وێ بوویە قوریانى، لەوران ئەم ب فەر د بینین رێکەفتنا شنگال بهێتە جێبەجێکرن ئەوا دناڤبەرا حکومەتا هەرێما کوردستانێ و حکومەتا ئیراقێ هاتیە ئیمزاکرن، و هەروەسان ئەو لایەنێن بووینە رێگر ل هەمبەر جێبەجێنەبوونا ڤێ رێککەفتنێ دڤێتن شەرم ژ خۆ بکەن بەرامبەر روودانا ئیرۆ ل کەمپا شاریا، ئێدى بەسە بازرگانى و موزایدەکرن ب غەم و ئازارێن مللەتێ مە.
پشتى روودانا ئیرۆ ل کەمپا شاریا، داخوازێ ژ هەموو لایەنێن پەیۆەندیدار دکەین هاریکاریا زیانلێکەفتیان بهێتەکرن و ب زووترین دەم بهێنە قەرەبووکرن و هەروەسان ئەم ب فەر دبینین لژنەیەک بهێتە دروستکرن و ئەرکێ وێ دەرئێخستنا بەلگێن کەسایەتى و قەرەبوونا کەدا ئاواران یا مادى بکت.
دووپاتدکەین بۆ خەلکێ خۆ ل کەمپا شاریا و ل هەموو کەمپێن دى ل هەرێما کوردستانێ کو ئازارە وە ئازارا هەموو خەلکێ کوردستانێ یە ژبەرکو هوون پارچەکن ژ کوردستانێ و ئەم دبینین خەلک و سەرکردایەتیا هەرێمێ دەست ژ وە بەرنەداینە و دەستان ژوە بەرنادەن ژى و هەردەم د ئامادەنە دەستێ هاریکاریێ و مرۆڤایەتیێ بۆ هەوە درێژبکن.
ئەم وەکو بنگەهێ لالش یێ کۆمەلایەتى و جڤاکى و هەموو تاى و نڤیسنگەهێن خۆ دێ دەستێ هارێکاریێ لدویڤ پێچێبوونێن خۆ یێن بەردەست بۆ خەلکێ خۆ یێ زیانلێکەفتى یێن کەمپا شاریا دێ درێژکەین.
دەستەیا بلندا بنگەهێ لالش یێ رەوشەتبیرى و جڤاکى
دهۆک 4ى خزیرانا 2021
تُتاح هذه الصورة أيضا في: کوردی