ب چاڤدێریا پارێزگارێ دهۆكێ كۆمهلگهها رووبارێ دجله یا گهشت وگۆزارى ل كۆمهلگهها خانكێ هاته ڤهكرن
تۆرا لالش:
ئهڤرو ئێڤارى 6/6/2021 بهرێز د.على تهتهر پارێزگارێ دهۆكێ ب ئامادهبونا بهرێزان ئهیسهر جهرجیس دهڤهردارێ سێمێلێ ب وهكالهت وچهند بهرپرسێن حزبى وئیدارى كومهلگهها روبارێ دجله یا گهشت وگوزارى ل كومهلگهها خانكێ سهر ب قهزا سێمێلێ ڤهكر.
درێ ورسمێن ڤهكرنا پرۆژهى دا پارێزگارێ دهۆكێ دهست خوشى ل خودانێ پرۆژهى كر وپیروزباهیا خهلكێ دهڤهرێ كر بو ڤهكرنا ڤێ كومهلگهها گهشت وگوزارى وگوت: سكرێ موسل جههكێ گونجایه ژبو دورستكرنا پرۆژێن گهشتیارى چونكو سهقایهكێ گونجاى وئاڤهكا باش ههیه وهیڤى خواستن كو ئهڤ پرۆژه ببیته دهستپێكهك بو چێكرنا پتر پرۆژێن گهشتیارى ل دهڤهرێ ولسهرانسهرى كوردستانێ و وهبهرهێنهر چاڤ ل خودانێ پرۆژهى بكهن وپشتهڤانیا حكومهتا ههرێمێ وپارێزگهها دهۆكێ دیاركر بو ئاڤاكرنا ڤان جوره پرۆژان.
ههژى گوتنێ یه پرۆژه ل سهر سكرێ موسل لنێزیك كومهلگهها خانكى ل سهر روبهرێ پتر ژ(50) دونهمان هاتیه ئاڤاكرن وچهندین ئاڤاهى وباخچا بخوڤه دگریت زێدهبارى ههبوونا ژمارهكا بهلهم وماتورێن تایبهت كو گهشتیار دشێن ل سهر ئاڤا سكرێ موسل ب كاربین وگهشتا پێ بكهن.
دهێته چاڤهرێكرن ل ئایندهى پرۆژه پتر بهێته ڤهكرن.
تُتاح هذه الصورة أيضا في: کوردی