ژبەر نەبوونا ئێمناهی و خزمەتگۆزاریان ئاوارە ڤەناگەرنە شنگال
تۆرا لالش:
ئاوارەیێن شنگالێ ئاماژێ ب وێ چەندێ ددەن كو ژبەر نەبوونا ئێمناهیێ و خزمەتگۆزاریان و هەبوونا گرۆپێن نە شەرعی ل شنگال،خەلك ڤەناگەرتە سەر دەڤەرێن خۆ ڤە بتنێ باوەری ب هێزێن پێشمەرگەیێ كوردستانێ هەیە،داخواز دكەین هێزەكا فەرمی یا هەڤپشك بۆ پاراستنا ئێمناهیا دەڤەرێ دناڤبەرا حكومەتا هەرێما كوردستانێ و حكومەتا عێراقێ دا بێتە پێكئینان.
تەحسین شەمۆ،ئاوارەیەكێ خەلكێ شنگالێ یە بۆ رۆژناما دەنگێ لالش دیاركر،ژ ئەگەرێ نەبوونا خزمەتگۆزاری و قەرەبووكرنێ و وێرانكرنا مالان و هەتا نهۆ گەلەك دەڤەرێن باشوورێ شنگالێ هێشتا نەهاتینە پاقژكرن ژ پاشماوەیێن داعش،لەوا خەلك ڤەناگەرتە دەڤەرێن خۆ ڤە.
رۆژنامەڤان ستار ئەحمەد بۆ رۆژناما دەنگێ لالش گۆت:كێشا هەرە سەرەكی یا نەزڤرینا ئاوارێن شنگالێ نەبوونا ئێمناهیێ یە ل شنگال،خەلكێ بتنێ باوەری ب هێزێن پێشمەرگەیێ كوردستانێ هەیە،چنكو گرۆپ و هێزێن نۆكە ل شنگال گەلەك جاران زۆرداری ل خەلكی كریە،ئەم داخواز دكن هێزەكا فەرمی یا هەڤپشك بۆ پاراستنا ئێمناهیا شنگالێ دناڤبەرا حكومەتا هەرێما كوردستانێ و حكومەتا عێراقێ دا بێتە پێكئینان.
هەروەسا چالاكڤان سەلاح ئەحمەد بۆ رۆژناما دەنگێ لالش دبێژت:نەبوونا ئێمناهیێ ل دەڤەرا شنگال و هەبوونا گرۆپێن نە شەرعی خەلك دترسن دووبارە ئاوارەببن،ئەم داخوازێ ل حكومەتا هەرێما كوردستانێ و حكومەتا عێراقێ دكەین رێككەفتنا شنگال بێتە بجهئینان و ڤان گرۆپێن نە شەرعی ژ شنگالێ دەرێخن و هێزەكا فەرمی ئێمناهیا شنگالێ بپارێزت،داكو خەلك بكارت ڤەگەرتە سەر مال و حالێ خۆ و ژ ژیانا ئاوارەیێ قورتال ببن.
تُتاح هذه الصورة أيضا في: کوردی