بنگەهێ لالش باعەدرێ سالرۆژا کۆمکوژیا ئێزدیان ل بیر ئانی
تۆرا لالش:
وەک رێزگرتن ل قوربانی و جانگۆریێن 3ی تەباخا سالا 2014ێ و بیرئانینا کارەسات و کۆمکوژیا ئێزدیان ل سەر دەستێ دوژمنێن ژیانێ و هەبوونێ و خودان هزرێن پاشڤەمایی.
ئیرۆ دانێ هێڤاری رێکەفتی (2 / 8 /2021) ێ بنگەهێ لالش تایێ باعەدرێ رابوو ب بیرئانینا نە خۆشترین سالرۆژ د دیرۆکا ئێزدیا یا هەڤچەرخ دا یا کو ل سەر دەستێ نە حەزێن ئۆلەکا کەڤنار و رەسەنا ئاخا میزۆپۆتامیا هاتی ئەنجامدان ب ئامادەبوونا ژمارەکا خەلکێ هەڤخەمێن بویەرا دلتەزینا کارەساتێ و بەرپرس و ئەندامێن دەستەکا بنگەهێ لالش باعەدرێ.
دڤێ بیرئانێ دا یاکو ل ناڤا سەنتەرێ باعەدرێ هاتی ئەنجامدان چەند چالاکی هاتن ئەنجامدان وەک رێزگرتن ل سەر جانێ قوربانیێن تەڤکوژیا ئێزدیان و بەرزکرنا دروشمێن دەربڕینەر ژ ستەملێکرن و بێ گونەهیا ئێزدیان و گەهاندنا بویەرێن بەری حەفت سالێن جینۆسایدا ئێزدیان برێکا تەڤلیبوون دگەل کەنالێ راگەهاندنێ دگەل ئاوازێن و پێگۆتێن خەمگینێن دەربڕینەر ژ کارەساتێ و بەرزکرنا مارشێ کارەساتا ب رێکا ئۆمبۆلانسێ.
تُتاح هذه الصورة أيضا في: کوردی