دەستەیا بلندا بنگەهێ لالش پشکداری جڤینا میرێ ئێزدیان بوو
دهۆک- تۆڕا لالش یا ڕاگەهاندنێ
ئیرۆ ل پەرستگەها پیرۆزا لالش ب دەستپێشخەریا میرێ ئێزدییان ب بەرهەڤیا جڤاتا ڕۆحانی و دەستەیا شێورمەندیا وی، جڤینەکا تایبەت ل گەل بنگەهێ لالش و سەنتەرێ ڕاوێژکاریی ئێزدیان (سەنتراڵ ڕاد) ل ئەڵمانیا و سازیا ئێزدیان بۆ بەرهەنگاریا جینۆسایدان ل جنێف-ێ ئەنجامدا.د جڤینێ دا ڕێزدار (سەعید جردۆ) سەرۆکێ دەستەیا بلندا بنگەهێ لالش یێ ڕەوشەنبیری و کۆمەڵایەتی و ئەندامێن دەستەیا بلند بەرهەڤبوون.
هەر دجڤینێ دا بەحس ل میکانیزما دامەزراندنا ئینستیۆتەکا ئەکادیمیا ئۆلی یا ئێزدیان ب هەماهەنگی ل گەل بنگەهێ لالش هاتەکرن.
سەرۆکێ دەستەیا بلندا بنگەهێ لالش بەرهەڤیا بنگەهێ لالش دیارکر بۆ هەر هەماهەنگیەکێ.
هەروەسان دجڤینێدا بەحس ل پرۆژە یاسایا جینۆسایدا ئێزدیان ب مەرەما ناساندێ ل پەرلەمانێ ئەڵمانیا هاتەکرن و بۆچۆنێن هەموو ئالیان هاتنە خواندن و دێ ڕەشنڤیسەک ب سەرپەڕشتیا میرێ ئێزدیان هێتە نڤیسین و هەموو داخوازیێن ئێزدیان تێدا هێنە جێبەجێکرن.
تُتاح هذه الصورة أيضا في: کوردی