نڤیسێنگەھێن جڤاتا بلندا ئێزدیان دێ ل وهلاتێن جیھانێ ئێنە ڤەکرن
باسنيوز:
وەکیلێ میرێ ئێزدیان دیارکر، ئێزدی بەرەڤ قوناغێن دوماھیێن پێک ئینانا جڤاتا بلندا ئێزدیان چووینە ئەڤە چەندێن دان وستاندن ل سەر ھاتنە ئەنجامدان دێ میر حازم تەحسین بەگ بیتە سەرۆکێ جڤاتا بلندا ئێزدیان.
میر جەھوەر عەلی بەگ، وەکیلێ میرێ ئێزدیان بۆ (باسنیوز) راگەھاندکو: “جڤاتا بلندا ئێزدیان دھێتە دامەزراندن، دێ جھێ ڤێ جڤاتێ ل ھەرێما کوردستانێ بیت، دووڤدا ژی دێ نڤیسێنگەھیێن جڤاتا بلندا ئێزدیان ل دەولەتێن جیھانێ ھێنە ڤەکرن، ب تایبەتی ژی وان دەولەتیێن ئێزدی تێدا ئاکنجیێ وەکو ئەرمەنیا، جورجیا، روسیا، ئەلمانیا، سوریا، تورکیا و ھەر دەولەتەکا ئێزدێ تێدا ئاکنجیی بن، دێ نڤیسینگەھەکا جڤاتا بلندا ئێزدیان تێدا بۆ خزمەتکرنا ئێزدیاتیی ھێتە ڤەکرن.”
ئاشکەرا کرکو: “جڤاتا بلندا ئێزدیان دێ یا پێکھاتی بیت ژ سێ پشکا ئەوژی پشکا جڤاتا عەشائیری و جڤاتا روحانیا ئێزدیان و رەوشەنبیری ئێزدی ھەموو دەڤەران دێ ناڤدا ھەبن.”
میر جەھوەر عەلی بەگ گۆتژی: “مەرەم سەرەکیێ ژ دامەزراندنا جڤاتا بلندا ئێزدیان ئەوە ئێزدی ببنە ئێک کۆتار پتر خزمەتا ئێزدیاتیی بھێتە کرن، میر حازم تەحسین بەگ گەلەک جڤین دگەل ئێزدیان ئەنجام داینە و بەردەوام کار ھێتە کرن بۆ دانوستاندنێ لسەر دامەزراندنا جڤاتا بلندا ئێزدیان.”
تُتاح هذه الصورة أيضا في: کوردی