ل دێرەبوونێ 340 كەسان باوەرنامێن خۆلێن فێركرنێ وەرگرتن
تۆرا لالش یا راگەهاندنێ
سەنتەرێ هیۆمانتی یێ كۆمەلایەتی ل دێرەبوونێ ب پشتەڤانیا رێكخراوا (مشن ئیست)،خۆلێن فێركرنا كۆمپیۆتەر و جوانكاریا ئافرەتان وهەردو زمانێن ئینگلیزی و ئەرەبی،بۆ ئاوارەیێن شنگالێ وخەلكێ دەڤەرێ ڤەدكت،كو هەتا نۆكە340 كەس بەشداری ڤان جۆرە خۆلان بووینە و باوەرنامە وەرگرتینە.
رێزان خلیل غازی،رێكخەرا پرۆژەی ل هیۆمانتی بۆ رۆژناما دەنگێ لالش دبێژت:”سەنتەرێ مە ل دێرەبوونێ ب پشتەڤانیا رێكخراوا (مشن ئیست) خۆلێن فێركرنا كۆمپیۆتەر و جوانكاریا ئافرەتان وهەردو زمانێن ئینگلیزی و ئەرەبی بۆ ژمارەكا ئاوارەیێن شنگالێ و خەلكێ دەڤەرێ ڤەدكن،بەشداربوویێن خۆلان ژ هەردوو رەگەزانن و دتەمەنێ 12 هەتا 18 سالی و پێهەل دان و هەتا نۆكە340 كەسان بەشداری ڤان جۆرە خۆلێن فێركرنێ بووینە ودەرچووینە و باوەرنامە وەرگرتینە و ئەڤ ژمارا بەشداربوویێن باوەرنامە وەرگرتین گەڕا سیێ نە و گەڕا چارێ نۆكە یە بەردەوامە و هەمان خۆلێن فێركرنێ نە،مەرەم ژ ڤەكرنا ڤان جۆرە خۆلا خزمەتكرن و پێشئێخستنا جڤاكێ مەیە چ ئاوارە یان خەلكێ دێرەبوونێ بن،هەروەسا بۆ بلندكرنا ئاستێ زانست و زانینێ یە ل جەم وان”.
دا زانین وەك رێكخراوا هیۆمانتی بۆ چالاكیێن مەدەنی ل دەڤەرێن دێرەبوون و خانكێ و شنگالێ كاردكن و باخچێن زارۆكان لێ هەنە ژ تەمەنێ 4 سالی هەتا 11 سالی،بەشێ پیشەیی ژی هەیە خۆلێن (كۆمپیۆتەر ، جوانكاریا ئافرەتا، زمانێ ئینگلیزی و عەرەبی)ڤە دكت،دگەل هندێ مە بەشێ گەشەپێدانا دەروونی ژی هەیە ستافێ مە ل ناڤ سەنتەر و ژ دەرڤە وانەیێن دەروونی و كۆمەلایەتی پێشكێش دكن بۆ هەردوو رەگەز و هەموو تەمەنان.
تُتاح هذه الصورة أيضا في: کوردی