هەولێر و بەغدا ل سه‌ر ڤه‌گه‌راندنا ئاواران بۆ ناوچێن رزگاركرى رێككه‌فتن
باسنيۆز:
بەڕێوبەری کۆچ و کۆچبەرانی هەولێر ڕایگەیاند حکومەتی عێراق لەگەڵ حکومەتی هەرێمی کوردستان ڕێکەوتن لەسەر گەڕاندنەوەی ئاوارەکان بۆ شوێنەکانی خۆیان و ناوچە ڕزگاركراوەكانی دەست داعش.
باقی هەورامی بەڕێوەبەری کۆچ و کۆچبەرانی هەولێر بە(باسنیوز)ی ڕاگەیاند “دوێنێ لەگەڵ وەزارتی کۆچ و کۆچبەرانی عێراق کۆبووینەوە و ڕێكکەوتین لەسەر گەڕانەوەی سەرجەم ئاوارەکانی کەمپەکانی هەرێمی کوردستان بۆ ناوچە ئازادکراوەکانی خۆیان، بەهیچ جۆرێکیش ڕێگا نادرێت هیچ ئاوارەیەک لەسەر خواستی خۆی لە هەرێمی کوردستان بمێنێتەوە و ببێتە نیشتەجێی هەرێمی کوردستان”.
گوتیشی “بەشێکی زۆری ئاوارەکانی کەمپەکانی حەسەن شام و خازر گەڕاونەتەوە بۆ ناوچە ئازادکراوەکانی خۆیان، بەشێکی کەمپەکانیش چۆڵ بوون، پێویستە ئاوارەکانی سنووری سلێمانییش بگەڕێندرێنەوە ناوچەکانی خۆیان”.
دووپاتیشی كردەوە كە ئەوان بەزۆرەملێ ئاوارەکان ناگەڕێننەوه، پێویستە خۆیان بگەڕێنەوە.
پێشتر وەزارەتی کۆچ و کۆچبەرانی عێراق بڕیارێکی دەرکردبوو، بەپێی بڕیارەکە هەر خێزانیکی ئاوارە لەکاتی گەڕانەوەیان بۆ ناوچە ئازادکراوەکانی خۆیان بڕی یەك ملیۆن و 500 هەزار دیناریان پێ دەدرێت، ئەو بڕیارەش ئێستە چووەتە بواری جێبەجێکردنەوە.
تُتاح هذه الصورة أيضا في: کوردی