بنگه‌هێ لالش سیمینارەك ل دۆر ڕاوه‌ستاندنا كارێ(يونيتاد) ل دارخست
تۆڕا لالش/دهۆك
ئێڤارييا ئيرۆ 17ى چريا ئێكێ 2023،ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌لايه‌تى سيميناره‌ك ل دۆر (كارڤه‌دانێن ئه‌رێنى و نه‌رێنى يێن بريارا ب داوى هاتنا كارێ تيمێ(يونيتاد) يێ تايبه‌ت ب ديكيۆمێنتكرنا به‌لگه‌يێن جينۆسايدا ئێزديان) ژبۆ نڤيسه‌ر و چالاكڤان ل بوارێ جينۆسايدێ “حه‌سو هورمى” ڕێكخست.
ب ئاماده‌بوونا ڕێزدار “سه‌عيد جردۆ” سه‌رۆكێ ده‌سته‌يا بلندا بنگه‌هێ لالش و ئه‌ندامێن ده‌سته‌يا بلند و هه‌ژماره‌كا زۆر ژ كه‌سانێن شه‌هره‌زا دبياڤێ جينۆسايدێ دا،ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌لايه‌تى سيميناره‌ك ل دۆر كارڤه‌دانێن ئه‌رێنى و نه‌رێنى يێن بريارا ب داوى هاتنا كارێ تيمێ(يونيتاد) يێ تايبه‌ت ب ديكيۆمێنتكرنا به‌لگه‌يێن جينۆسايدا ئێزديان ژبۆ نڤيسه‌ر و چالاكڤان ل بوارێ جينۆسايدێ “حه‌سو هورمى” گێڕا و تێدا چه‌ندين ڕاسپارده بۆ جهێن په‌يوه‌نديدار هاتن بلندكرن.
دسيمينارێ دا نڤيسه‌ر و چالاكڤان ل بوارێ جينۆسايدێ حه‌سو هورمى تيشك خسته سه‌ر كاريگه‌ريێن ڕاوه‌ستاندنا كارێ تيمێ(يونيتاد) ل سه‌ر جينۆسايدا ئێزديان و چ پێتڤيه بێته كرن بۆ مه‌ره‌مێ.
ل داويا سيمينارێ ده‌رگه‌هێ دانوستاندنێ دناڤبه‌را ئاماده‌بوويان و سميناربێژى دا هاته ڤه‌كرن و چه‌ندين بۆچۆن و پێشنيار هاتن پێشكێشكرن كو ببنه ڕاسپارده و بلندكرن بۆ جهێن په‌يوه‌نديدار.
تُتاح هذه الصورة أيضا في: کوردی