سعود مستۆ: نابت گوهۆرين د ياسايا ڕزگاربوويێن ژ دهستێ داعشدا بێنه كرن
تۆڕا لالش:
دهربارهى هەموارکرنا یاسایا ڕزگاربوویێن ئێزدی ژلايێ پهرلهمانێ عيراقێ،ڕێڤهبهرێ گشتيێ كاروبارێن ئێزديان د ديدارهكێ دا ل گهل كهنالێ كوردستان(24)ڕاگههاند؛ههر دهستكاريهك دڤێ ياسايێ دا بێته كرن ئهڤ پێشلكاريه ههمبهرمافێ كچ و ژنێن ژ دهستێ داعش قورتالبووين و وهك جڤاكا ئێزدى نهرازيبوونا خۆ ديار دكهين.
سعود مستۆ، ڕێڤهبهرێ گشتيێ كاروبارێن ئێزديان دياركر؛ياسايا ڕزگاربوويان ئهگهر ب ئازايى و وێرهكى و بهرخودان و قوربانيا كچ و ژنێن ئێزدى و پشتهڤانيا مالباتێن وان و جڤاكا ئێزدى و مير و جڤاتا رۆحانى نهبا ڤێ ياسايێ ههبوون نهدبوو،ژبهر هندێ ژى بيرۆكا وێ بهرسڤدانهك بوو بۆ ئهو قوربانيا كچ و ژنێن ئێزدى دايى و ل سهر وى بنهمايى ژى يا هاتيه دارشتن و ئهو ژينگههـ ل بهغدا درووستبوو و فشارهكا نێڤ دهولهتى ل جڤاتا ئاساييشێ و ب پشتهڤانيا پهرلهمانتارێن كورد ئهڤ ياسايه دهرباز بوو،ژبهر هندێ ژى ئهم دبێژين ههر دهستكاريهك دڤێ ياسايێ دا بێته كرن ئهڤ پێشلكاريه بۆ وێ مافێ تايبهتمهند ب تهخهكا گرنگا جڤاكا ئێزدى ڤه ئهو ژى كچێن ژ دهستێ داعش قورتالبووين و وهك جڤاكا ئێزدى نهرازيبوونا خۆ ديار دكهين.
زێدهتر گۆت:”يا خويايه پهرلهمانێ عيراقێ نيازهكا خراب پێ ههيه ئهگهر نه ياسا يا ڕۆن و ئاشكرايه كو ب مێژوويهكا دهستنيشانكرى ل ڕێككهفتى 3/8/2014دهست پێ دكهت كو مفاداربن ژ ڤێ ياسايێ و ناڤێن پێكهاتێن دى ژى وهكو توركمان وشهبهك و مهسيحى يێن هاتين ئهگهر نه وان چ زهرهرێن دى ههنه ژبلى ڤالاكرنا ڤێ ياسايێ ژ ناڤهرۆك و بۆ راچاڤكرنێ يا بۆ جڤاك و ژنا ئێزدى دهستنيشانكرى”.
سعود مستۆ ئاماژهكر:”باوهريا جڤاكا ئێزدى ب حكومهتا فيدرالا عيراقێ و ياسادانهرێن وێ يا لاوازه ،ئهڤ ياسايه پێنگاڤهكا گهلهك باشبوو ئهم ل گهل هندێ نه ههر كهسهكى زهرهرمهند بت ل سهر دهستێ تيرۆرستێن داعش چ ههر كچ و ژنهك و پێكهاتهكێ عيراقێ بت بگههته مافێ خۆ،ژبهر هندێ ژى ئهڤ ياسايه وان هاتيه دانان بۆ وێ كۆمكوژيا ب سهرێ ئێزديان دا هاتى”.
ڕێڤهبهرێ گشتيێ كاروبارێن ئێزديان ئاشكهراكر:”ههتا نۆكه پهرلهمانێ عيراقێ وهكو پهرلهمانێن دى ڕوونشتنهك ل سهر كۆمكوژيێ و دانپێدان ژى پێ نهكريه،ژبلى دڤێ ياسايێ دا دئێك برگهيێ دا ئاماژێ دكهت كو ئهڤا بسهرێ ئێزديان دا هاتى كۆمكوژييه و ئهو خالێن پهرلهمانێ عيراقێ دڤێت دهستكاريێ تێدا بكهت و دبنهرهت دا ئهڤ ياسايه ژ سێ برگهيان پێك دئێت ئهو ژى ناڤێ ياسايێ ژنا ئێزدى و ژ مێژوويا 10/6/2014 ژێ مفادارن و ههموو زارۆيێن ئێزدى ب شێوهكى گشتى ب خۆ ڤه دگرت و مخابن ژينگهههك ل بهغدا يا دروستكرى بيێ كو ڕاوێژ و بۆچۆنا ئێزديان و كهسوكارێن قوربانيان وهربگرن كو ڤێ ياسايێ دێ ڕاستڤهكهن”.
رۆهنكر ژى ب مخابنى ڤه چوو دۆسهيێن ئێزديان دئهولهويهتێن حكومهتا فيدرال دا نينن و ئاگههـ ل ڕهوشا ئێزديان نينه و نيازا وان ئهوه ڤێ ياسايێ بگوهۆرن و چ گرنگيدان بۆ جڤاكا ئێزدى نهكريه.
لژنەیا شەهیدان و قوربانیان و زیندانیێن سیاسی ل پەرلەمانێ عيراقێ پێشنیارەك بۆ سەرۆکاتیا جڤاتێ بلندکریە و داخاز دکەن یاسایا تایبەت ب ڕزگاربوویێن ئێزدی ڤە بێتە هەموارکرن، ڤێ چەندێ ژی ئێزدی دلگران کرینە.
تُتاح هذه الصورة أيضا في: کوردی