تۆرا لالش
ل رێكهفتی 27/1/2026ێ، شاندهكی كۆمهلگهها مهههتێ كو پێكهاتبوون ژ كهسایهتی و ئۆلدار و بهرپرسێن حكومی و حزبی دناڤدا مههدی حهسهن بهرپرسێ نڤیسینگهها لالش مهههتێ سهرهدانا قایممقامیا دهڤهرداریا شێخان كرن و ب گهرمی ژ ئالیێ سهردار شێخ یهحیا قایممقامێ وێ دهڤهرداریێ ڤه هاتنه پێشوازی كرن.
بهرپرسێ نڤیسینگهها لالش بۆ تۆرا لالش دا دیاركرن: پشتی خهلكێ مهیێ رۆژئاڤا تووشی نههامهتییان بووین ل سهر دهستێ هێزێن دیمهشقێ ل سوریێ، ههموو تهخ و چینێن كۆمهلگهها مهههتێ وهكو ئهركهكی مرۆڤایهتی و نهتهوهیی رابوون ب كۆمكرنا هاریكاریان ل هۆلا لالش و نڤیسینگهها مه سهرپهرشتیا ڤێ ههوا خێرخوازی دكر.
گۆتژی: خهلكێ مهههتێ ب جۆش و خرۆش ب هانا كهمپینێ هاتن و ههر پێتڤیهكا خهلكێ رۆژئاڤا پێتڤی مینا شیرێ زارۆكان و جلوبهرگ…هتد و ههتا ژ ئالیێ دارایی ژی پشكداربوون، ههموویان ههڤخهمی و پشتهڤانیا خۆ بۆ رۆژئاڤا دانه دیاركرن و جهێ خۆشحالیێ یه نهبتنێ روونشتنڤانێن مهههتێ بهلكو خهلكێ ژ دهرڤهی وهلاتی ژی پشكدار بوون.
مههدی حهسهن دیارژی كر: ژ ئالیێ دارایی ڤه گۆژمێ شەش ملیۆن و ٦٥٠ هەزار دینارێن عێراقی هاتنه كۆمكرن.
گۆتژی: سهردار شێخ یهحیا قایممقامێ شێخان خۆشحالیا خۆ بۆ كهمپینێ و هاریكاریێن مهههتێ دانه دیاركرن و گۆته مه ئهڤ هاریكارینه د ڤی دهمی ده ڕهنگڤهدانا سیمایێ سروشتی یێ جوانێ گهلێ مهیه، ژبهركو خهلكێ مهیێ رۆژئاڤا باردۆخهكێ دژوار دان، جهێ رێز و پێزانینا مهیه خهلكێ مهههتێ هاریكاریا وان دكهن.
ل داویێ ههموو كهلوپهلێن هاتینه كۆمكرن و دگهل پارهی پێشكێشی قایمقامیێ كرن و ژڤانه د نێزێكترین دهمدا بۆ رۆژئاڤایێ كوردستانێ بهێنه هنارتن.
تُتاح هذه الصورة أيضا في: کوردی