دوو قوتابیێن شنگالێ ل سەر ئاستێ پەروەردەیێن دهۆكێ سەركەفتیێن ئێكێ نە
تۆرا لالش یا راگەهاندنێ/بەختیار قادر
هەردوو قوتابیێن شنگالێ يێن ئێزدى یێن پەروەردەیا شنگالێ یا خووندنا كوردی،نەزیها سەلیم خەلەف ل قۆناغا ناڤەندی ب تێكرایا 98،83 و مەهاباد سەلیم خەلەف ل قۆناغا ئامادەیی ب تێكرایا 96،3،ل سەر ئاستێ پارێزگەها دهۆكێ بوونە سەركەفتیێن ئێكێ.
عامر سەلیم برایێ هەردوو قوتابیانە بۆ(تۆرا لالش یا راگەهاندنێ)خویاكر:”قوتابی نەزیها سەلیم خەلەف ل قوتابخانا ئالا یا تێكەل ل قۆناغا ناڤەندی تێكرایێ 98،83 و قوتابی ومەهاباد سەلیم خەلەف ل پۆلا یازدێ ل ئامادەیا میدیا یا كچان ل بەشێ زانستی تێكرایێ 96،3 ب دەست خۆ ڤە ئینان”.
ناڤهاتی گۆتژی هەردوو قوتابی یێن پەروەردەیا شنگالێ یا خووندنا كوردی نە و ئەڤ سالە خووندنا خۆ ل دهۆكێ تەمامكرن و ب ڤان تێكرایان ل سەر ئاستێ دهۆكێ بوونە یێن ئێكێ.
تُتاح هذه الصورة أيضا في: کوردی