تۆرا لالش
د چوارچۆڤێ ههولێن مرۆڤی و پشتهڤانیكرنا خێزانێن كهمدەرامهت و ئاواره دا، ئیرۆ رێكهفتی 8ی خزیرانا 2026ێ، شاندەکێ بلند یێ بنگەهێ لالش یێ رەوشەنبیری و کۆمەلایەتی ب سهرپهرشتییا سهعید جردۆ، سهرۆكێ بنگههی و ب ئامادەبوونا ئهندامێن دهستهكا بلند، سهرهدانا رێڤەبەریا گشتی یا ساخلەمیا پارێزگەها دهۆکێ كر و ژ ئالیێ د. افراسیاب موسى، رێڤەبەرێ گشتی یێ ساخلەمیێ ڤە ب گەرمی هاتنە پێشوازیكرن.
مەبەست ژ ڤێ سەرەدانێ و دیدارێ، گەنگەشەکرن و دووڤچوونا رەوشا ساخلهمیا خەلکێ ئاواره یێ ل ناڤ کەمپان دا دژین، ب تایبەتی ئەو نەخۆشێن تووشی نەخۆشیێن گران و دومدرێژ دبن و ژبەر كەم دەرامەتیێ و دەستکورتیێ پێدڤی ب هاریکاریێن بلهز یێن پزیشکی و دارایی هەیە.
د دیدارێ دا، د. افراسیاب موسى ئامادەییا تەماما رێڤەبەریا گشتی یا ساخلەمیا دهۆکێ دیارکر بۆ پێشکێشکرنا هەر ئامۆژگاری و هاریکاریەکا پزیشکی یا د شیانان دا بت، ژ پێخەمەت سڤککرنا ئازارێن نەخۆشێن دەستکورت یێن ئاواره.
هەژی ئاماژەپێدانێ یە کو ل سەر رێنمایێن مەکتەبا جەنابێ سەرۆکێ حکوومەتا هەرێما کوردستانێ، لایەنێن پەیوەندیدار بەردەوام د سەر هێڵن و د هەماهەنگیێ دانە بۆ پشتڕاستبوونا ژ گەهشتنا خزمەتگوزاریێن تەندروستی بۆ هەمی چین و توێژێن جودا یێن جڤاکی.
تُتاح هذه الصورة أيضا في: کوردی