وەرە دلبەر
قاسم لوندی
دێ وەرا دلبەر ئەز تهنیێ شەربەتە وان لێڤانم
دل ب كول و دەست برچیێ وان سێڤانم
ژ غەریبییە تە ل سەر هەمی رێكا مێڤانم
ژ دووربوونا تە چاڤ ب روندك و پەریشانم
ژبوی دیتنا تە ل هەمی ئەردا ناگورڤانم
ل هەمی گەلی و بانییە ژبوی گرتنا تە قار غەزالێ نێچیرڤانم
لێ تو نابی نێچیرا من و ئەز ژ غێری كول و كوڤانە تشتاكی نزانم
وەرە دلبەر و پەیڤەكێ بێژە من
نە هەروو داغەكێ بدە دلێ من
یان بێژە برا یان بێژە بلا
نە حەوجەیا ئەم بوەستینن هەردوو دلا
بوهارە مە بخەملینا ژ رەنگێت گولا
تو دزانی هێش روكێ من ژ لێڤێت تەی شلا
ڤێچا چما تو هەروو خوە ژ من دوور دكی و دلێ تە ژ منی سلا
دێ وەرە دلبەر دا بچین سەیرانێ
بلا لنگێت مە بئێشن ژ گەریانێ
دەستێن مە بجەمدن ژ سەرما و بارانێ
ل ناڤ گۆل و نێرگزا بكەین دیلانێ
نە بێژا خەلكێ مە بینێ ل مەیدانێ
كەسەك ژ مە ناكە گۆمانێ
ئیرۆ گۆڤەند ترسێ نزانێ
ل ناڤ گوڤەندێدا ماچەكێ ژ وێ سومانێ
نە بێژا حەیبا و نە خوە ژ من دوور بێخا جانێ
زمانێ من ژ غیر ناڤێ تە تشتاكی نزانێ
من بەس حەش تە كرییە ل ڤێ ژیانێ
هیڤیدارم ل ناڤبەرا من و تەدا تشتاك نەبێ ژ غیر ڤیانێ
كانێ تو
من دگۆت دێ تە بینم
بوهارا خوە خەملینم
دەرد و ئێشا بەرو بەكو شینم
دێ تە ل باغچێ دلێ خوە گەرینم
گول ل پێ گولێ ژ تەرا چینم
ئەز زانم گول نەد هەژی جوانییە تەینا
لێ پا تو ل بیرا من تێی دەمێ ناڤێ گولا تینم
دێ وەرە دلبەرا من بلا بەس ئێش و خەما ببینم
هەرشەڤ ئەز سەرێ خوە ل سەر بەلگیێ داتینم
هزر و خەیال من بەرەف دەریێ مالا وە تینن
جارنە دنڤم و د خەودا تە دبینم
و د وێ خەونێدا ئەز و تو ل با هەڤن
دەستێن مە ل سەر دەستێن هەڤن
ترس و حەیبی ژ با مە د رەڤن
لێڤ ل هیڤیا تەوافا دەڤن
لێڤێن مە ل هەڤ دكەڤن
ژ نشكەكێڤە ئەز ژ وێ خەونێ هلتچنم
هنگێ زانم ئەز و تو تنێ ل خەوونێدا ل با هەڤن
تنێ ل خەونێدا ل با هەڤن
تُتاح هذه الصورة أيضا في: کوردی