توو نەچوویە!
ژینێ حەمید
ئاڤانەبویە…ژجهێ خۆ نەلڤیە
تونەمری ونە ڤاشارتی
نە ژبیركری….
گەورێن وەك تە چاوا دبێژنێ مر!
چەوا بسڤك وسادەی
دبێژن ئەوژی چۆ و
وەغەر خێربت….
چەند دشاشن!
ئەگەر بێژنە تە من بەرنەدەت
ل ڤی وەلاتێ بەفرێ
من گەرم نەكەت
دەنگێ تە ژبن بالگێ من
نەهێتە دەر..
بۆچ دبێژن نەما!
گەر خازوكەك من دیت
بێ دوو دلی تە ب نك ڤە برم
تە دەوسا من گوهارت
داپێل رحا مێریكەكێ نەدانم..
بۆچ هزردكەن تونەحازری!
ل سپێدەهیێن سرگرتی تۆ
هەڤالێ پێنگاڤێن من بی
من بگری بەرنەدەی
بۆچی ژهەمی فامێ خۆ
دبێژن تویا دینی
دگەل خۆ بخۆ دئاخڤی…
بۆچ تو بمری!
ئەگەر هەر شەڤ تو لجەم من بی
تو لناڤ ئاڤ وچایا من بی
هەڤ سەرۆكێ پێنگاڤ و
پێنوسێ من بی
موما غەریبیا من بی…
تو نەمری!
هایژێ نینە كاتو چەند من دنخێڤی
كاتو چەند بهنا خۆ ددەیە من
داپێ بژیم
كاچەند جارا دكەڤم وتو
من رادكەی..
بخودێ بابۆ تو زێندی ونامری!!
تُتاح هذه الصورة أيضا في: کوردی