داخوازا ڤەكرنا سەنتەرەكی بۆ هۆنەرمەندێن ئێزدیان دئێتە كرن
تۆرا لالش:
هۆنەرمەندێن شنگالێ داخوازا ڤەكرنا سەنتەرەكی بۆ ل هەڤ كۆمبوونا هۆنەرمەندێن ئێزدیان دكن،كو ل داهاتی كار ل سەر فلكلۆرێ ئێزدیان بكن و بپارێزن.
جواد بەرەكات،مۆزیكژەنەكێ دەڤەرا شنگالێ یە و نۆكە ل كەمپا خانكێ ئاكنجی یە،بۆ رۆژناما دەنگێ لالش دیاركر،هەر ژ زارۆكینیا خۆ دا حەزا مۆزیكێ هەبوویە،پشتی فەرمانا ب سەرێ خەلكێ شنگالێ دا هاتی ل(3/8/2014)ێ ل سەر دەستێ رێكخراوا داعش یا تیرۆری،مالباتا مە ژ شنگالێ پەنابەری كۆمەلگەها خانكێ بوون،پاشی بریاردا خۆ فێری ئامیرێن مۆزیكی بكەم ل دەستپێكێ فێری ژەنینا تەمبورێ بووم،رۆژ بۆ رۆژێ حەز ژێكرنا وی بۆ مۆزیكێ بتر لێدهات لەوما بەرەف ئەكادیمیا ڤی بیاڤی دا چۆم،خۆ فێری هەشت ئامیرێن مۆزیكێ كریە ژوان ژی (گیتار، تەمبوور، كەمان، پیانۆ، ئۆرگ، دەف، عود و تەمبلك)،د نۆكەدا خۆ فێری بلۆرێ و گرانیتیكێ ژی دكەم.
هەروەسا گۆت:د نۆكەدا دگەل رێكخراوا (Our Bridge) وەكو راهێنەرێ مۆزیكێ كار دكەم و زارۆكان فێر دكەم،دیسان بتریا جاران وەختێ خۆ ب زارۆكان و راهێنانێن مۆزیكێ ڤە د بۆرینم،ل بەرە ل داهاتی ستودیۆیەكێ ڤەكەم و تۆمارێن دەنگی بەرهەڤ كەم و بۆ چێكرنا سترانان دێ د خزمەتا هۆنەرمەندان دا بین.
ل داویێ ناڤهاتی خواست سەنتەرەك بۆ هۆنەرمەندێن ئێزدیان بهێتە ڤەكرن،داكو ل هەڤ جڤیێن و مفای بگەهینە جڤاكی و ل سەر فلكلۆرێ ئێزدیان كار بكن و گرنگیێ پێ بدەن و نیشا خەلكەكی بكن.
تُتاح هذه الصورة أيضا في: کوردی