موزێلا تايبهتمهنديهكا نوى يا وهرگێڕانێ زێده دكهت
گاڤ نيوز
سازيا موزێلا راگههاند كو ب فهرمى ئالاڤێ وهرگێڕانێ ژ بۆ وێبگهڕێ موزێلا فايرفۆكس هاته زێدهكرن.
ئهڤ گاڤا موزێلا پێشڤهچوونهكا نوى يه بۆ وێبگهڕى ژ بۆ ههڤڕكيا هندهك وێبگهڕێن دى يێن وهكى گۆگل كرۆم.
مالپهرێن تهكنولوژيايێ ڤهگوهاستينه؛ د شيان دايه ئالاڤێ وهرگێڕانێ ب ناڤێFirefox Translations ژ بۆ وهرگێڕانا تێكستان بۆ زمانهكێ دى د وێبگهڕێ موزێلايێ دا بهێته بكارئينان.
ديار ژى كرينه؛ بۆ بكارئينانا ڤى ئالاڤى، بكارهينهر پێدڤى ئهنترنێتێ نابيت بهلكو ب تنێ بۆ جارا ئێكێ دێ هندهك فايلان داونلود كهت لهوا ئهڤ تايبهتمهنديه ژ بۆ وان كهسان يا گرنگه يێن كو پێدڤى ب وهرگێڕانێ ژ وێبگهڕى دبن ل دهمێ پهيوهنديا ئهنترنێتێ ل دهف وان نهبيت.
ئاماژه داينه وێ چهندێ ژى كو كێماسيا ڤێ تايبهتمهنديێ ئهوه گهلهك زمان بۆ وهرگێڕانێ تێدا نينن و ب تنێ ب دههان زمان تێدانه، بۆ نموونه زمانێ عهرهبى تێدا نينه ل دهمهكێ خزمهتگۆزاريا وهرگێڕانێ يا گۆگل پتر ژ 100 زمانان تێدا ههنه.
د بهرانبهر دا، ژ لايێ پاراستنا تايبهتمهنديێ ڤه خزمهتگۆزاريا موزێلا پتر يا كارتێكهره چونكى هێلا ئهنترنێتێ و ڤهگوهاستنا داتايان د پرۆسێسا وهرگێڕانێ دا ناهێنه بكارئينان.
تُتاح هذه الصورة أيضا في: کوردی